Արտակարգ դեպք.ոստիկանապետը խոշտանգել է տղամարդուն.ՖՈՏՈ

Արտակարգ դեպք.ոստիկանապետը խոշտանգել է տղամարդուն.ՖՈՏՈ

Իրադարձային Ipress 2020-06-21 13:08:00 1458
Հետևեք մեզ՝ Telegram-ում
bbv_MSNGn.jpg

Երկու օր առաջ Գագիկ Կարապետյանը երրորդ անգամ խոշտանգվեց ոստիկանների կողմից, այս անգամ՝ իր սեփական բնակարանում։ Նրա հետ միասին բռնության ենթարկվեց նաև 56-ամյա մայրը՝ Սուսաննա Միրզոյանը։

Այս մասին Forrights-ին ահազանգեց տիկին Սուսաննան, քանի որ որդին այսօր կրկին ծեծված և ձերբակալված է․

«Ամսի 17-ին տանից դուրս էի եկել, հետ գամ տեսնեմ մի խումբ ոստիկաններ մեր տունը շրջափակել են։ Մոտ քսան ոստիկան՝ մի յոթ մեքենա։ Տղես էլ չդիմացավ, ասեց՝ դուռը բացի, մեկ ա բան չունեմ արած, թող գնամ տեսնեմ՝ ինչ են ուզում ինձնից»։

Գագիկը դեռ օրեր առաջ մեզ հետ զրույցում պատմում էր, որ մի քանի օր է, ինչ ոստիկանական մեքենաները շրջում են իրենց տան շրջակայքում՝ ցանկանալով վախի մեջ պահել իրեն և ընտանիքին։

«Դուռը բացելուն պես, ջարդելով գազանի պես տուն մտան Ստեփանավանի ոստիկանապետը՝ Գյուրջինյանը, տեղակալը՝ Չատինյանը, օպերխմբից՝ Ախուրյան Խաչիկը, Թաթոյան Արմենը և էլի ուրրիշներ։ Սկսեցին ջարդել երեխուս․ գլխին, փորին, ձեռքերին ուժեղ խփում էին,  հետո անցան ինձ․․․Թևերս բռնեցին ու սկսեցին հարվածել։ Էդ ամբողջ ընթացքը նկարում էի, ուզում էին հեռախոսս ձեռքիցս խլեին, որ չարձանագրեի։ Շոկի մեջ էի ուղղակի»,- վրդովված պատմում է տիկին Սուսաննան։

Մոր խոսքով՝ բռնությունից հետո, Գագիկ Կարապետյանին քարշ տալով տարել են ոստիկանության Ստեփանավանի բաժին, որտեղ ոստիկանապետ Արտակ Գյուրջինյյանը կրկին խոշտանգել է որդուն։ Սուսաննան բաժին է հասնել այն պահին, երբ Շտապ օգնության բրիգադն է ժամանելիս եղել․

«Տեսնեմ Գագիկիս են բերում՝ ջարդված, ոչ կարողանում ա քայլի, ոչ՝ խոսա։ Երեխուս գլուխը չգիտեմ ինչ օրի ա արդեն, ուղեղի ցնցում ա ստացել հաստատ էդքան ծեծից։ Չեմ պատկերացնում՝ մեր տան մեջ գան ու ծեծի՞ ենթարկեն ոստիկանները։ Եթե էս հարցը չլուծվի, ես չգիտեմ, իմ քայլերի համար պատասխանատու չեմ։ Իմ երեխու վրա չեն կարա սարքեն»։

Մոր խոսքով՝ որդու գլխին ցանկանում են «գործ կարել» ու ստիպել ընդունել չկատարած հանցանքը։ Տիկնոջ կարծիքով՝ ոստիկաններին «գազազեցրել է» դատարանի վերջին որոշումը, երբ Վճռաբեկը Գագիկ Կարապետյանի օգտին որոշում է կայացրել։

Հիշեցնենք, որ օրեր առաջ ՀՀ վճռաբեկ դատարանը արձանագրել էր Կարապետյանի նկատմամբ իրականացված խոշտանգումը։ 2017 թվականին ոստիկանության Ստեփանավանի բաժնում ոստիկանները ծեծել, ապա ատրճանակը լիցքավորելով ուղղել են Գագիկի ճակատին և սպանացել նրան։

Երկրորդ խոշտանգումը կատարվել է օրեր առաջ՝ հունիսի 12-ին, այս անգամ՝ ոստիկանության Տաշիրի բաժնում․

«Գագիկի երրորդ անգամվա խոշտանգումը չպետք ա օդում մնա»,- հայտարարում է մայրը։։

Սուսաննա Միրզոյանն արդեն հանցագործության մասին հաղորդում է ներկայացրել ինչպես ոստիկանությունում, այնպես էլ Հատուկ քննչական ծառայությունում։ Հայտարարում է՝ չի սպասելու, որ գործը քնեցնեն, «պայքարելու է ինչպես անօրինական գործ սարքելու, այնպես էլ իրենց նկատմամբ իրականացված բռնությունների դեմ»․

«32 տարեկան տղուս ինչ օրն են գցում աչքիս առաջ ու ուզում են մարսե՞լ։ Չի ստացվելու, պատասխան են տալու»։

ՀՔԾ մամուլի խոսնակ Մարինե Օհանջանյանը Forrights-ի հետ զրույցում հայտնեց, որ խոշտանգման առերևույթ հանցագործության դեպքի առթիվ նյութեր են նախապատրաստվում հունիսի 12-ին ոստիկանության Տաշիրի բաժանմունքում տեղի ունեցած դեպքերի առթիվ։ Ըստ Օհանջանյանի՝ հունիսի 17-ին տեղի ունեցածի վերաբերյալ այս պահին ոչինչ առկա չէ։

Կատարված բռնություններին արձագանքել է նաև Մարդու իրավունքների պաշտպանի գրասենյակը։

Forrights-ը կշարունակի հետևել իրադարձություններին։ Նորությունների դեպքում անպայման կհրապարակենք։

 

 

Поделиться
Класс
Send
gazanjatum_LcriV.jpg

Մայիսի 30-ին և 31-ին գազ չի լինելու

jranjatum_c_3iv.jpg

Ջուր չի լինելու հետևյալ հասցեներում

avazakayin-harcakum_i9K4c.jpg

Ավազակային հարձակում՝ Արարատի մարզում․ 3 անձինք մուտք են գործել բնակարան, կապել տանտիրոջ ձեռքերը և ոտքերը, դանակի և ատրճանակի գործադրմամբ պահանջել գումար և ոսկյա զարդեր

sona-shahgeldyan_c_ptG.jpg

Սոնա Շահգելդյանը՝ «Սև ու սպիտակ» խնջույքին իր մասնակցության արձագանքների մասին

irani-naxagah_Kf8fh.jpg

Իրանը բացառել է հավանականությունը, որ Ռայիսիի ուղղաթիռը կործանվել է դիվերսիայի պատճառով

larvac-iravichak-1_HnOga.jpg

Հանրապետության հրապարակում իրավիճակը ծայրահեղ լարված է

anastasia-zavaratnyuk_9ta7o.jpg

Մահացել է հայտնի դերասանուհի Անաստասիա Զավորոտնյուկը

dolar-rubli_XW4a8.jpg

Ինչ փոխարժեքներ է այսօր սահմանել ԿԲ-ն

robert-qocharyan_7LRJE.jpg

Ռոբերտ Քոչարյանի նոր կուսակցությունը․ «Հրապարակ»

larvac-iravichak_rY-lf.jpg

Լարված իրավիճակ Արմավիրի մարզում․ Ինչ է կատարվել գիշերը

gazanjatum_xL9Yy.jpg

Մայիսի 27-ից հունիսի 18-ը գազ չի լինելու

jur-chi-linelu-2__NMMy.jpg

Ջուր հավաքեք. 24 ժամ ջուր չի լինելու

Life 122274

Մեծ ու շքեղ. Քրիստինան ցույց է տվել իրենց նոր տունը

Միջազգային 78372

«Մոյկա» գետն ընկած ավտոբուսի միակ ողջ մնացած ուղևորը պատմել է վթարի մասին

Իրադարձային 76569

Ողբերգական դեպք՝ Երևանում. Թիվ 39 երթուղին սպասարկող ավտոբուսում ուղևորը մահացել է

Հասարակական 47001

Կարևոր՝ վարորդների համար․ փոփոխություն մեքենաների ապակիների լուսաթափանցելիության հետ կապված

Հասարակական 40101

Հայտնի է Երևանի կենտրոնում բարձությունից ընկած երիտասարդի ինքնությունը

Բանակ 39867

Նոր մանրամասներ՝ 4 զինծառայողի մահվան ելքով վթարի դեպքից

Իրադարձային 37296

Որտեղ են հայտնաբերվել Գյումրիում հրդեհից մահացած 3 և 5 տարեկան քույրերը․ Մանրամասներ ողբերգական դեպքից

Հասարակական 36324

Մայիսի 15-ից հունիսի 10-ը գազ չի լինելու

Իրադարձային 35700

Նոր մանրամասներ Արարատի մարզում տեղի ունեցած աղմկահարույց սպանության և սպանության փորձի դեպքից

Life 32865

Ինչ լուրջ հիվանդnւթյամբ է տառապnւմ Ելենա Բորիսենկոն