Այսօր՝ նոյեմբերի 19-ին, խոշոր ու ողբերգական ավտովթար է տեղի ունեցել Կոտայքի մարզում:
Ժամը 19:30-ի սահմաններում Երևան-Սևան ավտոճանապարհի 22-րդ կմ հատվածում բախվել են Nissan Altima և Opel մակնիշի ավտոմեքենաները:
Վթարի հետևանքով 2 հոգի տեղում մահացել են, 1 հոգի տեղափոխվել է «Աբովյան» բժշկական կենտրոն,այս մասին հայտնում է Shamshyan.com-ը
Մահացածներին ավտոմեքենաներից դուրս են բերել փրկարարները:
Տեղում քննչական աշխատանքները ղեկավարող հատկապես կարևոր գործերով ավագ քննիչ Վաչագան Մովսիսյանի կողմից հարուցվել է քրեական գործ՝ ՀՀ քր օր-ի 242 հոդվածի 3-րդ մասի (ճանապարհատրանսպորտային պատահար, որն անզգուշությամբ առաջացրել է 2 և ավելի մարդու մահ) հատկանիշներով:
Ոստիկանությունն ու քննչական բաժինը պարզում են վարորդների, մահացածների և վիրավորի ինքնությունը:
English
Русский
