Ողբերգական դեպք. տղամարդը Կիևյան կամրջից իրեն ցած է նետել

Այսօր, հուլիսի 29-ին, ողբերգական դեպք է տեղի ունեցել Երևանում։

Ժամը 15։00-ի սահմաններում Արտակարգ իրավիճակների նախարարության Փրկարար ծառայության 911 և Ոստիկանության Երևան քաղաքի վարչության օպերատիվ կառավարման կենտրոններ ահազանգ է ստացվել, որ Կիևյան կամրջից քաղաքացի է ցած նետվել։

Օպերատիվորեն դեպքի վայր են ժամանել ԱԻՆ ՓԾ հրշեջ-փրկարարական ջոկատը՝ 1 մարտական հաշվարկով,այս մասին հայտնում Shamshyan.com-ը:

Օպերատիվորեն ժամանել են նաև Ոստիկանության Մաշտոցի բաժնի օպերատիվ խումբը՝ բաժնի պետ Անդրանիկ Շահբազյանի գլխավորությամբ։

Տեղում աշխատել է նաև Հայաստանի քննչական կոմիտեի Երևան քաղաքի քննչական վարչության Աջափնյակ և Դավիթաշեն վարչական շրջաների քննչական բաժնի խումբը։

Փաստի առթիվ նշված քննչական բաժնում նյութեր են նախապատարստվում։ Ոստիկանությունն ու քննչական բաժինը պարզում են մահացածի ինքնությունը։