SHAMSHYAN.com-ի տեղեկություններով՝ ոստիկանության Գեղարքունիքի մարզային վարչության բաժիններից մեկի հետաքննչական բաժանմունքում նյութեր են նախապատրաստվում տվյալ բաժնի վարչական տարածքում գտնվող բնակության վայրերից մեկում տեղի ունեցած ողբերգական դեպքի։
Երեկ՝ հոկտեմբերի 11-ին, նշված տարածքի բժշկական կենտրոնից ոստիկանության տարածքային բաժին ահազանգ է ստացվել, որ բժիշկների հերթապահ խումբը կանչով մեկնել է նշված հասցե, որտեղ հայտնաբերել են երեխայի դի։ Դեպքի վայր են ժամանել տարածքի ոստիկանության օպերատիվ խումբը։
Պարզվել է, որ մահացածը 2-ամյա Ս. Մ-ն էր։
Դեպքի վայր են ժամանել նաև Հայաստանի քննչական կոմիտեի Գեղարքունիքի մարզային քննչական վարչության խումբը, որտեղ քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական։
Թե ինչն է եղել երեխայի մահվան պատճառը, ոստիկանությունն ու քննչական բաժնն ունի նախնական տեղեկություն, սակայն նախաքննության շահերից ելնելով՝ այս պահին չենք հրապարակում, քանի որ քննչական բաժինը սպասում է դատաբժշկական փորձաքննության եզրակացությանը։
English
Русский
