Ողբերգական ավտովթար. վարորդը տեղում մահացել է

Այսօր, հունվարի 1-ին, ողբերգական ավտովթար է տեղի ունեցել Լոռու մարզում։

Ժամը 18։15-ի սահմաններում Շնող գյուղի բնակիչ 24-ամյա Գևորգ Մելիքսեթյանը իր վարած Mercedes մակնիշի ավտոմեքենայով Թեղուտ-Շնող ավտոճանապարհի 2-րդ կմ հատվածում ճանապարհի մերկասառույցի պատճառով կորցրել է ավտոմեքենայի կառավարումը և, մի քանի պտույտ գլորվելով, հայտնվել ճանապարհի մեկ այլ հատվածում։

Վթարի հետևանքով Գ․ Մելիքսեթյանը տեղում մահացել է։ Օպերատիվորեն դեպքի վայր են ժամանել Ճանապարհային ոստիկանության 2-րդ սպայական գումարտակի 5-րդ վաշտի 2-րդ դասակի ծառայողները՝ վաշտի հրամանատար Լյուդվիգ Ղանդիլյանի, դասակի հրամանատար Արարատ Նազարյանի և ավագ հետաքննիչ Գարիկ Մելիքսեթյանի գլխավորությամբ,այս մասին հայտնում է Shamshyan.com-ը:

Քանի որ բժիշկներն արձանագրել են վարորդի մահը, դեպքի մասին Ճանապարհային ոստիկանության 1-77 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությունը փոխանցել է Հայաստանի քննչական կոմիտեի Լոռու մարզային քննչական վարչություն, որտեղից ժամանել է քննչական խումբը։

Վթարի պատճառը եղել է ճանապարհի մերկասառույցը։

Ու եթե պատասխանատուները կատարեին ճանապարհի մշակման աշխատանքները, ապա վթարը տեղի չէր ունենա։ Քննիչի հանձնարարականով ավտոմեքենան տեղափոխվում Ոստիկանության Թումանյանի բաժնի պահպանվող հատուկ տարածք։

Դեպքի վայր են ժամանել նաև նույն բաժնի օպերատիվ խումբը՝ օրվա պատասխանատու հերթապահի գլխավորությամբ։