Ողբերգական ավտովթար Երևանում. վարորդը տեղում մահացել է

Այսօր՝ դեկտեմբերի 24-ին, ողբերգական ավտովթար է տեղի ունեցել Երևանում:

Ժամը 18:20–ի սահմաններում Երևանի բնակիչ, 67-ամյա Գագիկ Մ.-ն, դեռևս անհայտ հանգամանքներում, իր վարած Honda Coupe մակնիշի ավտոմեքենայով Շիրակի փողոցում՝ ձիարշավարանից դեպի Աէրացիա թաղամաս տանող ճանապարհային, դուրս է եկել ճանապարհի երթևեկելի գոտուց, բախվել ծառին, արմատախիլ արել այն,ապա առաջ ընթանալով՝ բախվել քարե պարսպին:

Oպերատիվորեն դեպքի վայր են ժամանել Արտակարգ իրավիճակների նախարարության փրկարար ծառայության թիվ 4, այնուհետև թիվ 15 հրշեջ-փրկարարական ջոկատներից, այս մասին հայտնում է Shamshyan.com-ը:

Վարորդին ավտոմեքենայից դուրս են բերել հրշեջ-փրկարարները, իսկ օպերատիվորեն ժամանած Երևանի 1-03 շտապօգնության բժիշկների հերթապահ խումբը տեղում փորձել է օգնություն ցուցաբերել, սակայն նա գիտակցության չգալով՝ մահացել է:

Փրկարարները հոսանքազրկել են ավտոմեքենան և սահմանազատել տարածքը: Օպերատիվորեն ժամանել են նաև Երևանի ճանապարհային ոստիկանության ծառայողները:

Փաստի առթիվ Վ. Մարգարյանի կողմից նյութեր են նախապատրաստվում: Քննիչի հանձնարարականով ավտոմեքեան տեղափոխվել է Երևանի ՃՈ պահպանվող հատուկ տարածք: