Ողբերգական ավտովթար. վարորդի և ուղևորի դիերը ավտոմեքենաներից դուրս են բերել փրկարարները. ՖՈՏՈ

iPress.am- Այսօր՝ մայիսի 21-ին, խոշոր ու ողբերգական ավտովթար է տեղի ունեցել Գեղարքունքիի մարզում։  Ժամը 03։00-ի սահմաններում Երևան-Իջևան ավտոճանապարհի 65 կմ-ում բախվել են Ճամբարակ քաղաքի բնակիչ՝ 25-ամյա Հովհաննես Մխիթարյանի վարած ВАЗ 21723 մակնիշի և Ծովագյուղ գյուղի բնակիչ՝ 62-ամյա Սամվել Գևորգյանի վարած ЗИЛ մակնիշի՝ գազաբալոններով բարձված բեռնատարը։

Բախման հետևանքով ВАЗ-ի վարորդն ու նրա ուղևորը տեղում մահացել են, նրանց մարմինները ավտոմեքենայից դուրս են բերել օպերատիվորեն ժամանած Արտակարգ իրավիճակների նախարարության փրկարար ծառայության Սևանի թիվ 32 հրշեջ-փրկարարական ջոկատի հրշեջ-փրկարարները, ջոկատի հրամանատար Սուրեն Մելիքյանի գլխավորությամբ և մոտեցրել  «Սևան» բժշկական կենտրոնի շտապօգնության ավտոմեքենային,  այս մասին հայտնում է  Shamshyan.com-ը

Փաստի առթիվ Ա. Մկրտչյանի որոշմամբ հարուցվել է քրեական գործ՝ ՀՀ քր.օր-ի 242 հոդվածի 3-րդ մասի հատկանիշներով։

Ոստիկանությունն ու քննչական բաժինը պարզում են մահացած ուղևորի ինքնությունը։

Քննիչի հանձնարարականով ավտոմեքենաները տեղափոխվել են ոստիկանության Սևանի բաժնի պահպանվող հատուկ տարածք։