Ուկրաինայում ուղևորուհին բացել է ինքնաթիռի վթարային ելքի դուռն ու օդանավի թևի վրա «զբոսնել» (տեսանյութ)

«Ուկրաինայի միջազգային ավիաուղիներ» ավիաընկերությունը հայտարարել է, որ երկուշաբթի Անթալիա-Կիև չվերթի ուղևորուհին Բորիսպոլի օդանավակայան հասնելուն պես բացել է ինքնաթիռի վթարային ելքի դուռն ու օդանավի թևի վրա «զբոսնել», հայտնում է «ՌԻԱ Նովոստի» գործակալությունը՝ հղում տալով ավիաընկերության մամուլի ծառայությանը։ 

Աղբյուրը մանրամասնում է, որ կինն ալկոհոլի կամ թմրանյութերի ազդեցության տակ չի գտնվել։ Ավիաընկերությունը նրան ուղևորների «սև ցուցակում» է ներառել։ Նշվում է, որ նա ընտանիքի՝ ամուսնու և երեխաների հետ չարտերային չվերթով հանգստից վերադառնալիս է եղել։

Օդաչուն, պահանջվող ցուցումների համապատասխան, անմիջապես ավիացիոն անվտանգության ստորաբաժանումների, սահմանապահ ծառայության, ոստիկանության և «Բորիսպոլ» օդանավակայանի բուժկետի ներկայացուցիչներին է կանչել։

Ոստիկանության ներկայացուցիչները և բժիշկները փորձել են ուղևորի գործողությունների պատճառը պարզել, սակայն ադեկվատ պատասխան չեն ստացել։