English
Русский
Երեկ` մայիսի 17-ին, ողբերգական դեպք է տեղի ունեցել Երեւանում: Մոտ 30-40 տարեկան տղամարդը ինքնասպանություն է գործել` նետվելով բարձրահարկ շենքից:
Այս մասին iPress.am-ին հայտնեցին Ոստիկանությունից: «Մայիսի 17-ին՝ ժամը 09:10-ին Ոստիկանությունը ահազանգ է ստացել, որ Երեւանի Անդրանիկի փողոցի 125 շենքից մարդ է իրեն ցած նետել:
Դեպքի վայր է մեկնել քննչական խումբ, որտեղ հայտնաբերվել է մոտ 30-40 տարեկան ինքնությունը չպարզված տղամարդու դի»,- ասացին ոստիկանությունից:
Ոստիկանությունից հայտնեցին,որ անձի ինքնությունը պարզելու համար ձեռնարկվել են համապատասխան միջոցառումներ, նշանակվել է դատաբժշկական փորձաքննություն, կատարվում է նախաքննություն:
