Ծառուկյանի անակնկալը Վանեցյանին

Ծառուկյանի անակնկալը Վանեցյանին

Քաղաքական Ipress 2020-07-04 15:30:00 1716
Հետևեք մեզ՝ Telegram-ում
tsarukyan-vanecyan__TXx4.jpg

1in.am

Որպես Հայաստանում ընդդիմադիր ամենամեծ ուժ, որպես խորհրդարանի երկրորդ ուժ՝ «հակառուսականության» դեմ պայքարելու մասին Գագիկ Ծառուկյանի հայտարարությունը հետաքրքիր իրավիճակ է ստեղծում նրա ներկա կամ պոտենցիալ դաշնակիցների՝ ՀՅԴ և Արթուր Վանեցյանի «Հայրենիք» կուսակցությունների համար:

Ինչպես հայտնի է, նրանք ստեղծել են աշխատանքային խումբ, որտեղ ներգրավված երեք կուսակցությունների ներկայացուցիչները պետք է քննարկեն համախմբման գործընթացի ճանապարհը: Այդ իմաստով հետաքրքիր է՝ Ծառուկյանի հայտարարությունը քննարկված ճանապարհի մա՞ս էր երկու մյուս գործընկերների համար, թե՞ անակնկալ:

Այն, որ առնվազն Արթուր Վանեցյանը քաղաքականությանը մերձենալուն զուգահեռ գործնականում չէր թողել կասկածի տեղ, որ դիրքավորվելու է ռուսական կողմնորոշման տիրույթում, պարզ էր: 

Բայց հենց դրանով իսկ իրավիճակը դառնում է ավելի ինտրիգային, որովհետև դիտարկելով Ծառուկյանի հայտարարությունը հնարավոր տարբեր տողատակային վարկածներով՝ իսկ քաղաքականությունը գործնականում երբեք միաշերտ չէ, հնարավոր է եզրակացնել, որ ԲՀԿ նախագահը ռուսական կողմնորոշման դաշտն առաջնորդելու հարցում մրցակցում է Արթուր Վանեցյանի հետ: Այլ կերպ ասած՝ Գագիկ Ծառուկյանը կամ նրա դեմքով գործող տնտեսա-քաղաքական ավելի լայն շրջանակ, գուցե ընդհուպ ռուսական դաշտից, փորձում է ՌԴ քաղաքական վերնախավին հավաստիացնել, որ չկա ձևավորվելիք ներքաղաքական «բևեռի» առաջնորդի կարգավիճակում Ծառուկյանին Վանեցյանով փոխարինելու անհրաժեշտություն: Իսկ այն, որ «Հայրենիք» կուսակցության առաջնորդի համար խնդիրն առնվազն այդ դաշտում է՝ վեր է կասկածից:

Հազիվ թե ԱԱԾ նախկին պետը քաղաքականություն է մտել ընդամենը Գագիկ Ծառուկյանի քաղաքական «բեկ վոկալ» լինելու համար: Արթուր Վանեցյանն անշուշտ ներառվել է քաղաքական գործընթաց առավել մեծ հավակնությամբ, և նույն հավակնությունն է նրան տարել ԲՀԿ-ի հետ գործակցության: Այդ գործակցության ռազմավարական նպատակն անշուշտ ոչ թե ԲՀԿ-ի ստվերում մնալն է, այլ հակառակը՝ աստիճանաբար ԲՀԿ-ին ստվերելը:

Ծառուկյանն ըստ երևույթին լավ է պատկերացնում, որ գործընթացը կարող է պարունակել իր ձեռքով Արթուր Վանեցյանի համար շագանակ հանելու տրամաբանություն: Այդ իմաստով ԲՀԿ նախագահի հայտարարությունը պարունակում էր նաև, այսպես ասած, քաղաքական ապահովագրության նկատառում՝ սահմանելով իր համար պայքարի, այսպես ասած, բավականին բարձր նշաձող, երբ պատասխանատվությունն ընկնում է Ռուսաստանի վրա:

Поделиться
Класс
Send
turkia-jrhexex_u6zna.jpg

Թուրքիայում ջրհեղեղներ են. իշխանությունը վտանգի ամենաբարձր՝ կարմիր աստիճան է հայտարարել. Տեսանյութ

lars_ihZxM.jpg

Բացառիկ կադրեր Լարսից. ինչպես է տեղի ունենում փլուզումը. ՏԵՍԱՆՅՈՒԹ

dolar-rubli_pE6VR.jpg

Կտրուկ տատանումներ. Փոխարժեքները նվազեցին

vtar-2_mXjiF.jpg

Լուսանկարներ. Խոշոր ու ողբերգական ավտովթար՝ Արագածոտնի մարզում. բախվել են ԳԱԶ 53-ն ու Opel-ը

sirusho-1_B3N2P.jpg

Սիրուշոն տեսանյութ է հրապարակել

yuri-shatuov-2_DcTvC.jpg

«Ամբողջ օրը շրջել է սրտի կաթվածով». Բժիշկը պատմել է Յուրի Շատունովի մահվան մանրամասները

dolar-1_3mYtv.jpg

ՀՀ Կենտրոնական բանկը նոր փոխարժեքներ է սահմանել

vraerty_SDQtC.jpg

Մահվան ելքով վրաերթ. 60 ամյա բնակչուհին մահացել է

puti-kreml_ijrp1.jpg

Ահա թե ինչու էր Պուտինը գիշերը շտապել Կրեմլ

yuri-shatuov-1_6nUf3.jpg

Յուրի Շատունովի անհայտ երկրպագուն հրաժեշտի արարողությանը մի բեռնատար կարմիր վարդեր է ուղարկել. Տեսանյութ

vtar_eXOVD.jpg

Խոշոր ավտովթար Տավուշի մարզում. Կան մեծ թվով վիրավորներ

tata-simonyan-hovhannes-vardanyan_8NiPA.jpg

Մեր սիրելի ընկեր. Թաթա Սիմոնյանը՝ Հովհաննես Վարդանյանի մասին