ՀՐԱՏԱՊ ԼՈՒՐ. «Վերին Շորժայում հակառակորդի կրակից վիրավորներ ունենք». ԱԽ քարտուղար

iPress.am- Այսօր Գեղարքունիքի մարզի Վերին Շորժայի սահմանային հատվածում փոխհրաձգության հետևանքով երկու զինծառայող է վիրավորվել։ Հանրային հեռուստաընկերության եթերում լուրը հայտնեց ՀՀ ԱԽ քարտուղար Արմեն Գրիգորյանը։ Նրա խոսքով՝ սա Ադրբեջանի կողմից կազմակերպված հերթական սադրանքն է։ Հայ զինծառայողները, բարեբախտաբար թեթև վիրավորում են ստացել։

Գրիգորյանի խոսքով՝ սահմանի կայունությունն այս պահին փխրուն է, մեծ ջանքեր են գործադրվում, որ հետագայում խուսափեն նման միջադեպերից։ «Էս պահին կոնկրետ բանակցություններ են ընթանում սահմանին ռուսական սահմանապահ ուժեր տեղակայելու և նման միջադեպերը բացառելու համար։

Գործընթացը սկսվել է, բայց այս պահին դեռ չենք կարողացել հասնել ամբողջական լուծման, բայց հույս ունենք, որ բանակցությունները կկարողանանք շարունակել և մոտ ապագայում կունենանք մի այնպիսի իրավիճակ, որ այն տարածքում, որտեղ մայիսի 12-ից ճգնաժամ է սկսվել, տեղակայվեն ռուսական սահմանապահ զորքերը, այնուհետև լինի սահմանազատում և սահմանագծում»,- հայտարարեց ԱԽ քարտուղարը։ Նա շեշտեց՝ խոսքը Սև լճից մինչև Շորժա սահմանային հատվածի մասին է։

Առավել մանրամասն՝ տեսանյութում