«Սեր ես ու մի կյանք». Քրիստինե Պեպելյանը՝ որդու հետ. ՖՈՏՈ

Երգչուհի Քրիստինե Պեպելյանն ընտանեկան լուսանկար է հրապարակել։

Instagram-յան էջի Stories բաժնում, ուր ցանկացած տեղեկատվություն հասանելի է միայն 24 ժամ, ինչից հետո անհետանում է, հրապարակված կադրերում երիտասարդ մայրիկը պատկերված է որդու՝ Արեգի հետ։ Մայր ու որդի ջերմ գրկախառնված են։

«Սեր ես ու մի կյանք»,- հրապարակման մեկնաբանություններում գրել է երգչուհին՝ օգտագործելով «Արեգ» հեշթեգը։

Օրեր առաջ երգչուհին պատասխանել էր հետեւորդների հարցին։

Որդու լույս աշխարհ գալուց հետո կյանքում փոփոխությունների մասին խոսելով՝ երիտասարդ մայրիկը նշել էր՝ երեխայի հետ, իսկապես, շատ բան է փոխվում. «Արեգն իմ խիղճն է։ Ամեն երեխա իր ծնողի խիղճն է։ Երբ ունես երեխա, արդեն սկսում ես ուրիշ ձեւով ապրել կյանքդ, որովհետեւ սա նոր սկիզբ է, նոր ստարտ, եւ ուզում ես այնպես ապրել, որ քո սխալների համար քո երեխան պատասխան չտա»։