Ես խոնարհվում եմ որդեկորույս մայրերի առաջ, այնտեղ, որտեղ զոհվել են նրանց որդիները, այլևս մեզ համար սրբավայր է: Այս մասին այսօր երկրապահների հետ հանդիպման ժամանակ ասել է ԵԿՄ ղեկավար Սասուն Միքայելյանը: «Հույս ունեմ՝ մինչև մահս պիտի Շուշիի փողոցներով քայլեմ: Պինդ հոգով պիտի լինենք և փառք տանք մեր նահատակներին, ես խոնարհվում եմ մեր որդեկորույս մայրերի առաջ:
Մենք միշտ պետք է հիշենք՝ որտեղ ընկան այդ տղաները, արդեն սրբավայր է և մենք պարտավոր ենք վերադառնալ մեր սրբավայրերը»,- ասաց Սասուն Միքայելյանը: Սասուն Միքայելյանը նաև նշեց, որ այսօր երկրապահը պետք է ավելի քան երբևէ, ամուր և պատրաստակամ լինի:
«Բոլորիս համար պարզ է՝ ինչ իրավիճակ է սահմաններում և մենք բոլորս պիտի կարողանանք մեր գործն անել, գիտակցաբար մեր սահմանները պահենք , ավելի հզորանանք, երկրապահը այսօր էլ ավելի պիտի հզորանա: Երբեք ձեր զգոնությունը չկորցնեք, թշնամին միշտ նենգ է և միշտ սպասում է հարմար պահի»,- ասաց Սասուն Միքայելյանը:
English
Русский
