Սարսափելի վթար. Կորեայի ձորում մեքենան մոտ 150 մետր գլորվելով հայտնվել է ձորում

iPress.am Սեպտեմբերի 17-ին կասկադյորական ավտովթար է տեղի ունեցել Երևանում: Ժամը 18:30-ի սահմաններում ԱԻՆ փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ Երևանից դեպի Քանաքեռավան տանող Կորեայի ձորի ոլորանապտույտ հատվածում ավտոմեքենան ընկել է ձորը:

Shamshyan.com-ի հաղորդմամբ՝ շտաօօգնության բժիշկների հերթպահ խումբը տեղում առաջին բուժօգնություն է ցուցաբերել Nissan Versa-ով մոտ 150 մետր ձորը գլորված մեքենայի վարորդ ներկայացած, 30-ամյա Գրիգոր Սարգսյանին:

Վերջինս բժիշկների կողմից բուժօգնություն ստանալուց հետո հրաժարվել է հիվանդանոց մեկնելուց՝ հայտնելով, որ իրեն լավ է զգում: Հրշեջ-փրկարարները, մեծ դժվարությամբ իջնելով ավտոմեքենայի մոտ, փակել են գազաբալոնի փականն ու հոսանքազրկել այն:

Փաստի առթիվ նյութեր են նախապատրաստվում: