Սարսափելի դեպք Արագածոտնի մարզում

Հայաստանի քննչական կոմիտեի Արագածոտնի մարզային քննչական վարչությունում նյութեր են նախապատրաստվում մարզի գուղերից մեկի 59-ամյա տղամարդու կողմից իր 16-ամյա տղայի նկատմամբ սեքսուալ բնույթի բռնի գործողություններ կատարելու փաստով։

Օրեր առաջ նշված գյուղը սպասարկող ոստիկանության տարածքային բաժնի համայնքային ոստիկանության և անչափահասների գործերով բաժանմունքների ծառայողները տեղեկություններ են ստացել, որ 59-ամյա Վալերիկ Ս-ն սեքսուալ բնույթի բռնի գործողություններ է կատարել իր տղայի կատմամբ։

 Վալերիկ Ս-ն մայիսի 7-ին հայտնաբերվել ու բերման է ենթարկվել տարածքային ոստիկանություն, որտեղ ճիվաղը խոստովանել է, որ 2019 թվականի օգոստոսից մինչև այս տարվա մարտ պարբերաբար նմանատիպ գործողություններ է կատարել իր տղայի նկատմամբ։

Նա ոստիկանության տարածքային բաժնից ներկայացվել է Հայաստանի քննչական կոմիտեի Արագածոտնի մարզային քննչական վարչություն, որտեղ փաստի առթիվ նյութեր են նախապատրաստվում և նշանակվել են մի շարք փորձաքննություններ, այդ թվում՝ դատաբժշկական։