ՌԴ իրավապահների կողմից հետախուզվողը հայտնաբերվեց Արմավիրում

Ոստիկանության ՔՈԳՎ և Արմավիրի բաժնի քրեական հետախույզների համատեղ ձեռնարկած օպերատիվ-հետախուզական միջոցառումների շնորհիվ փետրվարի 22-ին Արմավիր քաղաքի Սայաթ-Նովայի փողոցում հայտնաբերվել և բաժին բերման է ենթարկվել 40-ամյա Արմեն Հ.-ն: Այս մասին տեղեկացնում է Ոստիկանության լրատվական ծառայությունը:

Վերջինս 2021 թ. դեկտեմբերի 21-ից ՌԴ Յամալ-Նենեցյան ինքնավար օկրուգի իրավապահների կողմից հետախուզվում էր ՌԴ քրեական օրենսգրքի 112-րդ հոդվածի (Անվտանգության միջոցներ նշանակելու պայմանները) մեղադրանքով:

Խափանման միջոցը՝ կալանք: Հայտնաբերման մասին հայտնվել է հետախուզումը նախաձեռնողին: