Էր-Ռիադը ռազմական գործողություն է սկսել բոլոր ճակատներում

Արաբական կոալիցիան՝ Սաուդյան Արաբիայի գլխավորությամբ, երեքշաբթի օրը հայտարարել է բոլոր ճակատներում լայնածավալ ռազմական գործողություն սկսելու մասին: Նպատակն է «ազատագրել Եմենի տարածքի մի մասը, որը վերահսկվում է Անսար Ալլահի (Հութի) զինյալների կողմից»:

Դաշինքի խոսնակ, գնդապետ Թուրքի ալ-Մալիքին հայտարարել է. «Մենք (կոալիցիան) սկսում ենք Եմենի ազատագրման արշավը բոլոր ճակատներով և ուղղություններով»:

Նա նշել է, որ ռազմական գործողությունն իրականացվում է կոալիցիայի կողմից «Եմենում անվտանգության վերականգնման նպատակով»։ Երկուշաբթի օրը Սաուդյան Արաբիայի կողմից աջակցվող ուժերը հայտարարել էին Եմենի կենտրոնական Շաբվա նահանգից հութիներին ամբողջությամբ վտարելու մասին։