iPress.am- Այսօր առավոտյան 6,8 բալ ուժգնությամբ հզոր երկրաշարժ է տեղի ունեցել Ճապոնիայի հյուսիս-արեւելքում: Այս մասին հայտնում է երկրի գլխավոր օդերեւութաբանական վարչությունը: Վարչության տվյալներով, ցնցումների էպիկենտրոնը գտնվել է Խաղաղ օվկիանոսում՝ Միյագի պրեֆեկտուրայից արևելք:
Օջախը գտնվել է մոտ 60 կիլոմետր խորության վրա: Չնայած երկրաշարժի ուժգնությանը ՝ ցունամիի սպառնալիք չի հայտարարվել: Ցնցումները նույնպես լուրջ ավերածություններ չեն առաջացրել, այդուհանդերձ, աղետն ամենաանսպասելի վայրերում որոշ ճապոնացիների անհարմար դրության մեջ է դրել, օրինակ՝ լոգարանում: