Քավորը դանակահարել է սանիկին՝ պարտքը չմարելու պատճառով

Քավորը դանակահարել է սանիկին՝ պարտքը չմարելու պատճառով

Իրավունք Ipress 2020-05-10 20:51:00 9270
Հետևեք մեզ՝ Telegram-ում
cs_xwgNe.jpg

1.am-ը գրում է.

Վերաքննիչ քրեական դատարանի վարույթում է Արմեն Գ.-ի գործով բերված վերաքննիչ բողոքի քննությունը:

Գործը քննվել է Երևանի ընդհանուր իրավասության դատարանի Նոր Նորք նստավայրում Արման Հովհաննիսյանի նախագահությամբ:

1978 թվականին ծնված Արմեն Գ.-ին մեղադրանք էր առաջադրվել տուժողի առողջությանը դիտավորյալ ծանր վնաս պատճառելու համար՝ ՀՀ քրեական օրենսգրքի 112 հոդվածի 1-ին մասով:

Տուժողը ամբաստանյալի սանիկն է:

Դեպքից հետո Արմեն Գ.-ն անազատության մեջ է եղել 3 օր, նրա նկատմամբ որպես խափանման միջոց է ընտրվել չհեռանալու մասին ստորագրությունը:

Ըստ մեղադրանքի՝ 2019 թվականի մարտի 24-ին, ժամը 17-ն անց 30-ի սահմաններում Արմեն Գ.-ն իրեն պատկանող մեքենայով իր սանիկի հետ երթևեկել է Հրազդանի կիրճով՝ դեպի Հալաբյան փողոց: Մեքենայի մեջ քավորի ու սանիկի միջև վիճաբանություն է ընթացել գումարային խնդիրների հետ կապված. Արմեն Գ.-ի երաշխավորությամբ նրա սանիկը այլ անձից  20 հազար դոլար պարտք էր վերցրել, պարտքը ժամանակին չէր մարել ու մարումը ձգձգում էր:

Ստեղծված իրավիճակում Արմեն Գ.-ն, հայտնվելով ծանր կացության մեջ ու պատասխանատվություն կրելով իր տված երաշխավորության համար, պահանջում էր, որ սանիկը վերցրած պարտքը մարի:

Մեքենայում վիճաբանությունը թեժացել է, ըստ մեղադրանքի՝ Արմեն Գ.-ն մեքենայի առջևի ձախ դռան պահոցային մասից դանակ է վերցրել ու հարվածներ հասցրել իր կողքին նստած սանիկի մարմնի տարբեր մասերին՝ նրա առողջությանը պատճառելով ծանր վնաս՝ ձախ թուլակողի շրջանի առաջնային մակերեսի թափանցող, ծակած-կտրած վերքերի ձևով:

Դատարանում Արմեն Գ.-ն իրեն լիովին մեղավոր է ճանաչել, զղջացել է կատարածի համար:

Դատարանը տուժողի ներկայությունն ապահովելու ուղղությամբ բազմաթիվ քայլեր է ձեռնարկել, բայց պարզվել է, որ նա 2019 թվականի նոյեմբերի 6-ին հեռացել է ՀՀ-ից:

Դատարանն արձանագրել է, որ Արմեն Գ.-ն դրական է բնութագրվում: Նրա խնամքին են 9 և 1,5 տարեկան երկու երեխաները:

Պատասխանատվությունն ու պատիժը ծանրացնող հանգամանքներ դատարանն ի հայտ չի բերել:

Դատարանը հաշվի է առել, որ այս գործում առկա են մի շարք առանձնահատկություններ: Մասնավորապես՝ հանցագործության կատարմանը որոշակի առումով նպաստել է տուժողի վարքագիծը, քանի որ վիճաբանությունն առաջացել է հենց տուժողի կողմից նախնական պայմանավորվածությունը չպահելու արդյունքում:

Դատարանն արձանագրել է, որ տուժողն ու ամբաստանյալը ունեցել են հարազատական՝ քավոր-սանիկական հարաբերություններ, նրանց միջև թշնամանք չի եղել, ամբաստանյալը նախապես ծագած դիտավորությամբ չի գործել ու դանակը տվյալ արարքը գործելու համար չի պահել: Մեքենայի մեջ ծավալված խոսակցությունը վերաճել է վիճաբանության, որի ընթացքում է, որ ամբաստանյալը մեքենայի պահոցին ձեռքը գցելով՝ վերցրել է այնտեղ գտնվող դանակը ու հարվածներ է հասցրել:

Դատարանն արձանագրել է՝ «թեև ընդունելի է, որ հարվածը եղել է տուժողի սրտի հատվածում, սակայն քրեական գործում չկան տվյալներ, որ Արմեն Գ.-ն կոնկրետացված դիտավորությամբ ցանկացել է հարվածել հենց տուժողի սրտի հատվածին»:

Տուժողի կողմից նախաքննության ու դատաքննության փուլերում Արմեն Գ.-ի դեմ բողոք, պահանջ չի ներկայացվել:

Դատարանն արձանագրել է. «Փոխարենը՝ տուժողի պարտքերը մարվել են ամբաստանյալի կամ նրա հարազատների կողմից». քրեական գործում առկա են ստացականներ 13 հազար 900 դոլար պարտքի մարման վերաբերյալ:

Դատարանն անդրադառնալով ամբաստանյալի դրսևորած վարքագծին, արձանագրել է, որ Արմեն Գ.-ն ընդունել է մեղքը, տվել է խոստովանական ցուցմունքներ, զղջացել է, լինելով ազատության մեջ՝ չի խուսափել գործի քննությունից, հակաօրինական այլ արարք չի կատարել:

Դատարանն արձանագրել է, որ նախաքննական մարմնին ամբաստանյալի կողմից ուղղված նամակի բովանդակությունը ողջամտորեն վկայում է այն մասին, որ Արմեն Գ.-ն արարքը կատարելուց հետո գտնվել է հոգեբանական շատ ծանր վիճակում, ըստ իրեն՝ գործել է ընտանիքի բարօրության, անվտանգության շահերից ելնելով:

Արարքը կատարելուց հետո նա ինչ-որ պահի նույնիսկ ցանկացել է վերջ տալ իր կյանքին՝ չհաշտվելով սեփական արարքի հետ…

Դատարանը հաշվի է առել թվարկված հանգամանքները, ինչպես նաև արարքի հանրային վտանգավորության աստիճանը:

Արմեն Գ.-ն մեղավոր է ճանաչվել մեղսագրված արարքի համար՝ ՀՀ քրեական օրենսգրքի 112 հոդվածի 1-ին մասով, դատապարտվել է 3 տարի ազատազրկման, այս պատժին հաշվակցվել է նրա՝ արգելանքի տակ գտնված 3 օրը:

Նշանակված պատիժը դատարանը որոշել է  պայմանականորեն չկիրառել, սահմանվել է  2 տարի փորձաշրջան:

Այս դատավճռի դեմ վերաքննիչ բողոք է բերել գործով մեղադրողը՝ պահանջելով անթույլատրելի ճանաչել պայմանական դատապարտության կիրառումը, Արմեն Գ.-ին դատապարտել իրական ազատազրկման՝ հանրության համար արարքի վտանգավորության աստիճանին ու բնույթին համաչափ պատժի:

Այս գործով առաջիկա նիստը վերաքննիչ դատարանում նշանակված է հունիսի 2-ին:

Поделиться
Класс
Send
gazanjatum_LcriV.jpg

Մայիսի 30-ին և 31-ին գազ չի լինելու

jranjatum_c_3iv.jpg

Ջուր չի լինելու հետևյալ հասցեներում

avazakayin-harcakum_i9K4c.jpg

Ավազակային հարձակում՝ Արարատի մարզում․ 3 անձինք մուտք են գործել բնակարան, կապել տանտիրոջ ձեռքերը և ոտքերը, դանակի և ատրճանակի գործադրմամբ պահանջել գումար և ոսկյա զարդեր

sona-shahgeldyan_c_ptG.jpg

Սոնա Շահգելդյանը՝ «Սև ու սպիտակ» խնջույքին իր մասնակցության արձագանքների մասին

irani-naxagah_Kf8fh.jpg

Իրանը բացառել է հավանականությունը, որ Ռայիսիի ուղղաթիռը կործանվել է դիվերսիայի պատճառով

larvac-iravichak-1_HnOga.jpg

Հանրապետության հրապարակում իրավիճակը ծայրահեղ լարված է

anastasia-zavaratnyuk_9ta7o.jpg

Մահացել է հայտնի դերասանուհի Անաստասիա Զավորոտնյուկը

dolar-rubli_XW4a8.jpg

Ինչ փոխարժեքներ է այսօր սահմանել ԿԲ-ն

robert-qocharyan_7LRJE.jpg

Ռոբերտ Քոչարյանի նոր կուսակցությունը․ «Հրապարակ»

larvac-iravichak_rY-lf.jpg

Լարված իրավիճակ Արմավիրի մարզում․ Ինչ է կատարվել գիշերը

gazanjatum_xL9Yy.jpg

Մայիսի 27-ից հունիսի 18-ը գազ չի լինելու

jur-chi-linelu-2__NMMy.jpg

Ջուր հավաքեք. 24 ժամ ջուր չի լինելու

Life 122274

Մեծ ու շքեղ. Քրիստինան ցույց է տվել իրենց նոր տունը

Միջազգային 78372

«Մոյկա» գետն ընկած ավտոբուսի միակ ողջ մնացած ուղևորը պատմել է վթարի մասին

Իրադարձային 76569

Ողբերգական դեպք՝ Երևանում. Թիվ 39 երթուղին սպասարկող ավտոբուսում ուղևորը մահացել է

Հասարակական 47001

Կարևոր՝ վարորդների համար․ փոփոխություն մեքենաների ապակիների լուսաթափանցելիության հետ կապված

Բանակ 40305

Նոր մանրամասներ՝ 4 զինծառայողի մահվան ելքով վթարի դեպքից

Հասարակական 40101

Հայտնի է Երևանի կենտրոնում բարձությունից ընկած երիտասարդի ինքնությունը

Իրադարձային 37296

Որտեղ են հայտնաբերվել Գյումրիում հրդեհից մահացած 3 և 5 տարեկան քույրերը․ Մանրամասներ ողբերգական դեպքից

Հասարակական 36327

Մայիսի 15-ից հունիսի 10-ը գազ չի լինելու

Իրադարձային 35700

Նոր մանրամասներ Արարատի մարզում տեղի ունեցած աղմկահարույց սպանության և սպանության փորձի դեպքից

Life 32865

Ինչ լուրջ հիվանդnւթյամբ է տառապnւմ Ելենա Բորիսենկոն