Քիմ Քարդաշյանի՝ հետօսկարյան խնջույքի լուսանկարները բացահայտել են աստղի «իրական դեմքը». (լուսանկարներ)

Ամերիկյան հեռուստաաստղ Քիմ Քարդաշյանին կրկին մեղադրել են «Ֆոտոշոփ» ծրագրի չարաշահման համար այն բանից հետո, երբ սոցցանցերի օգտատերերը համացանցում տեսել են 41-ամյա աստղի՝ Vanity Fair-ի հետօսկարյան խնջույքի ժամանակ արված լուսանկարները:

Ինչպես գրում է Daily Mail-ը, հետևորդները նկատել են, որ այս լուսանկարներում Քարդաշյանի մաշկին զգալի անհարթություններ կան, մինչդեռ սոցցանցերում նրա հրապարակած բոլոր կադրերում աստղի մաշկն անթերի տեսք ունի:

Խնջույքի պրոֆեսիոնալ լուսանկարների ու Քարդաշյանի հրապարակած լուսանկարների համեմատության արդյունքում կարելի է էական տարբերություն նկատել: Նշվում է, որ հետևորդները Քարդաշյանին մեղադրել են գեղեցկության ոչ իրատեսական չափանիշներ սահմանելու համար:

Հետևորդներից մեկը գրել է. «Երբ դու այնքան սովոր ես տեսնել հարթեցված ֆիլտրացված լուսանկարները, մի փոքր շոկային է, երբ իրական պատկերն ես տեսնում: Երկու լուսանկարներում էլ նա շքեղ, բայց իրարից տարբեր տեսք ունի»:

Մեկ ուրիշը գրել է. «Ճիշտ է, նա լավ տեսք ունի, նա պետք է հրաժարվի իր համար անիրատեսական չափանիշներ սահմանելուց, որովհետև դա այն է, ինչ ամեն դեպքում բոլորին անհանգստացնում է»: