Փոխոստիկանապետը՝ «Դոն Պիպոյի» եղբոր սպանության մասին

iPress.am- Երեկ աննախադեպ ծանր հանցագործություն է տեղի ունեցել հանրապետությունում: Այս մասին լրագրողների հետ զրույցում ասաց փոխոստիկանապետ Արա Ֆիդանյանը:

Պատասխանելով հարցին, թե ինչու այսօր ոստիկանապետը չի եկել խորհրդարան՝ ներկայացնելու 2020 թվականի բյուջեի կատարողականը՝ իր փոխարեն ուղարկելով տեղակալին: «Ոստիկանապետն անձամբ էր մեկնել դեպքի վայր ու այնտեղ տեղում ղեկավարել օպերատիվ խմբի գործունեությունը»,- նշեց Ֆիդանյանը։ Հիշեցնենք, նախօրեին սպանվել է «Դոն Պիպո» մականվամբ Արթուր Ասատրյանի եղբայրը՝ Արմեն Ասատրյանը։

Դեպքի առթիվ ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասի և 235-րդ հոդվածի 1-ին մասի հատկանիշներով: Կատարվում են անհետաձգելի քննչական և դատավարական այլ գործողություններ՝ դեպքի բոլոր հանգամանքները պարզելու, ենթադրյյալ հանցագործությունը կատարած անձի (անձանց) ինքնությունը պարզելու ուղղությամբ: