iPress.am- Այսօր՝ մայիսի 3-ին, ողբերգական դեպք է տեղի ունեցել Երևանում:
Ժամը 13:40-ի սահմաններում Արտակարգ իրավիճակների նախարարության փրկարար ծառայության 911 և ոստիկանության Երևան քաղաքի վարչության օպերատիվ կառավարման կենտրոններ ահազանգ է ստացվել, որ Հալաբյան փողոցի թիվ 26 շենքի 13-րդ կամ 14-րդ հարկից քաղաքացին կամ նետվել է կամ անզգուշաբար ընկել և հայտնվել է առաջին հարկում գտնվող չշահագործվող պոլիկլինիկայի տանիքին:
Օպերատիվորեն ժամանել է ԱԻՆ ՓԾ Երևանի թիվ 7 հրշեջ-փրկարարական ջոկատը՝ 1 մարտական հաշվարկով,այս մսին հայտնում է Shamshyan.com-ը:
Փրկարարները հատուկ ճոպանների միջոցով մահացածի դին իջեցրել են տանիքից և մոտեցրել դի տեղափոխող ավտոմեքենային: Մաշտոցի ոստիկաններն ու քննիչները պարզել են, որ մահացածը նույն շենքի բնակիչ, 46-ամյա Մարինե Խ.-ն էր: Փաստի առթիվ քննչական բաժնում նյութեր են նախապատրաստվում:
Տեղի ունեցածը ինքնասպանություն է, թե դժբախտ պատահար, պարզ կինի մի շարք փորձաքննություններից հետո:
Տեղում հրշեջ-փրկարարները, ինչպես նաև ԱԻՆ ՓԾ ՀԱԲ հրահանգիչը մահացածի հարազատներին ցուցաբերել են հոգեբանական աջակցություն: