Եվս մեկ երեխա դուրս է բերվել Բաթումի շենքի փլատակներից, այս մասին Վրաստանի «Առաջին ալիքին» ասել է Աջարիայի առողջապահության փոխնախարար Ռամազ Ջինճարաձեն: Նրա խոսքերով՝ երեխային տեղափոխել են կլինիկա:
«Աշխատանքներն ընթացքի մեջ են: Զոհերի մասին տեղեկություններն այս պահին անհայտ են: Երկու երեխա տեղափոխվել է կլինիկա: Այժմ ճշգրտումներ են ընթանում»,- ասել է Աջարիայի առողջապահության փոխնախարարը:
Բաթումում, Մայիսի 26-ի փողոցում գտնվող բնակելի շենքի մի մասը փլուզվել է: Այս պահին փրկարարական աշխատանքներ են ընթանում: Րոպեներ առաջ շենքի փլատակների տակ մնացած մեքենայից դուրս է բերվել և հիվանդանոց տեղափոխվել փոքր երեխա:
Բացի դրանից՝ ինչպես հայտարարում են ՆԳՆ-ում՝ Բաթումում բնակելի շենքի փլուզման գործով հետաքննություն է սկսվել, տուժածների մասին տվյալները ճշտվում են:
Աջարիայի պարեկային ոստիկանության բաժնի պետը նշում է, որ ինտենսիվ փրկարարական աշխատանքներ են ընթանում բնակելի շենքի փլուզման վայրում, լրացուցիչ ուժեր են մոբիլիզացվում հարևան շրջաններից։
English
Русский
