Պայթյուն Նորատուսում. մանրամասներ

iPress.am- Երեկ՝ հունիսի 1-ին  պայթյուն և փլուզում է տեղի ունեցել Գեղարքունիքի մարզում: Ժամը 09:35-ի սահմաններում «Գավառ» բժշկական կենտրոնից   ոստիկանության Գավառի բաժին ահազանգ է ստացվել, որ Նորատուս գյուղում տեղի ունեցած գազի պայթյունի հետևանքով իրենց մոտ է տեղափոխվել մի քաղաքացի: 

Հիվանդանոց է մեկնել ոստիկանության Գավառի բաժնի օպերատիվ խումբը՝ բաժնի պետ Իգոր Մեսրոպյանի գլխավորությամբ,այս մասին հայտնում է  shamshyan.com-ը:

Ոստիկաններն ու քնիչները պարզել են, որ  վիրավորը Նորատուս գյուղի բնակիչ, 75-ամյա Նուրիջան Հարությունյանն է, ով  ժամը 09:00-ի սահմաններում Սևանի փողոցի 12-րդ  նրբանցքի իր տան նկուղի դուռը բացելու ժամանակ ծխախոտ է փորձել վառել, ինչի հետևանքով էլ տեղի է ունեցել պայթյուն և առանձնատան որոշ հատվածներ փլուզվել են, իսկ Ն. Հարությունյանը պայթյունի հետևանքով տարբեր աստիճանի այրվածքներ է ստացել ու տեղափոխվել «Գավառ»  բժշկական կենտրոն, որտեղ առաջին բուժօգնությունը ստանալուց հետո տեղափոխվել է Երևան քաղաքի այրվածքաբանական կենտրոն:

Փաստի առթիվ Գեղարքունիքի մարզային քննչական վարչությունում նյութեր են նախապատրաստվում: