The Telegraph-ը անդրադարձել է Ադրբեջանում բացված «ռազմավարի այգուն»՝ այն անվանելով Ադրբեջանի նոր պատերազմի «սարսափելի» թանգարան։ Նշվում է, որ ապրիլին բացվելուց ի վեր սարսափելի թանգարանը գրավել է տեղացիներին, ովքեր ոգևորված զննում են կործանված հայկական տանկերը, այցելել փոքրիկ բար, հուշանվերների խանութ:
«Մի բան, որ պակասում է, սակայն, հաշտեցման ոգին է: Թանգարանի ստեղծողները ոչ միայն մեծահոգություն չեն դրսևորել հաղթանակում, այլ ջանք չեն խնայել իրենց թշնամիներին նվաստացնելու համար՝ ստեղծելով հայկական զորքերի մանեկենները՝ տգեղ տեսքերով»,-գրում է կայքը։
Ասվում է, որ թանգարանը բացվել է ապրիլին՝ Ադրբեջանի նախագահ Իլհամ Ալիևի կողմից, որն այն որակել է որպես « ուժի և թշնամու պարտության ապացույց»:
«Բայց այն դատապարտել են մարդու իրավունքների զեկուցողները և Հայաստանի կառավարությունը, որոնք ասում են, որ դա «նվաստացնում է անցյալ աշնանը մարտերում զոհված 2500 զինվորի արժանապատվությունը»:
Քննադատները հատկապես ցնցված են զոհված հայ զինվորներից վերցված 480 մետաղական սաղավարտների ցուցադրմամբ, որոնցից ոմանց վրա փամփուշտներից և բեկորներից պատռված անցքեր են: Սաղավարտները մետաղալարով միացվում են վարագույրի ոճով, և երբ քամի է փչում, սաղավարտները զնգում են միասին»,-գրում է կայքը:
Ամբողջական հոդվածը կարող եք կարդալ այստեղ:
English
Русский
