iPress.am-Կալինինգրադում իրավապահները քրեական գործ են հարուցել Չեռնյախովսկում 14-ամյա դեռահասի դաժան ծեծից հետո: Ըստ «Նոր Կալինինգրադ» պորտալի, վիճաբանության հեղինակը շրջխորհրդի պատգամավորի 17-ամյա որդին է: Նշվում է, որ վիճաբանությունը տեղի է ունեցել մայիսի 22-ին: Սոցցանցերում հրապարակված կադրերում երևում է, թե ինչպես է պաշտոնյայի որդին հարվածում դեռահասին, ինչից հետո վերջինս ընկնում է և կորցնում գիտակցությունը:
Դրանից հետո տղան շարունակում է ոտքերով հարվածել գետնին ընկած դեռահասին: Միջադեպի ժամանակ այնտեղ գտնվող տղաները փորձել են հանդարտեցնել պատգամավորի որդուն, բայց ապարդյուն. Տղան շարունակել է առանձնահատուկ դաժանությամբ ծեծի ենթարկել դեռահասին:
English
Русский
