Ով է հակառակորդի կրակոցիցի զոհված Աշոտ Միքայելյանը. Լուսանկար

Արշավիր Ղարամյանը հրապարակել է այս գիշեր հակառակորդի կրակոցից զոհված պայմանագրային զինծառայողի լուսանկարը:

Այս գիշեր հակառակորդի կողմից դիպուկահար հրազենից արձակված կրակոցից մահացու հրազենային վիրավորում ստացած պայմանագրային զինծառայող Աշոտ Գևորգի Միքայելյանը 29 տարեկան էր, Վանաձոր քաղաքից:

Այս մասին 168.am-ի հետ զրույցում ասել է Վանաձոր համայնքի ղեկավարի առաջին տեղակալ Արկադի Փելեշյանը:

«Աշոտն ունի մեկ եղբայր, երկուսն էլ զինվորական են: Աշոտը ամուսնացել էր, բայց դեռ երեխաներ չունի»:

 Հիշեցնենք, որ ՊՆ-ն հայտարարություն էր տարածել, որում մասնավորապես ասված էր.

Հուլիսի 27-ին, ժամը 01.10-ի սահմաններում, ՀՀ հյուսիսարևելյան ուղղությամբ տեղակայված զորամասերից մեկի մարտական դիրքում, հակառակորդի կողմից դիպուկահար հրազենից արձակված կրակոցից մահացու հրազենային վիրավորում է ստացել պայմանագրային զինծառայող Աշոտ Գևորգի Միքայելյանը:

ՀՀ պաշտպանության նախարարությունը խորին ցավակցություն և զորակցություն է հայտնում Աշոտ Միքայելյանի ընտանիքի անդամներին, հարազատներին և ծառայակիցներին: