«Հուղարկավորված» մորաքույրը զանգել է ու ասել. «էս խի՞ չեք հետաքրքրվում՝ ոնց եմ». Նաիրա Զոհրաբյանին նոր դեպք է հայտնի (տեսանյութ)

«Երբ ամեն ինչ տապալում են, մնում է ցինիզմն ու լկտի անպատասխանատվությունը։ Փոխարեն պարետը, նախարարն անձամբ ընտանիքից ներողություն խնդրեն ցավալի դեպքի համար, նման հայտարարություններով են հանդես գալիս»:

Այս մասին ասել է ԲՀԿ պատգամավոր Նաիրա Զոհրաբյանը՝ 24TV-ին տված հարցազրույցում։ Նա նկատում է, որ Առողջապահության նախարար Արսեն Թորոսյանի պատասխանը մոտավորապես հնչում էր այսպես՝ հա ինչ անենք, որ խառնել են տատիկի դին։ Խառնել են՝ գտան ու վերադարձրեցին։

Նաիրա Զոհրաբյանը պատմեց նաև մեկ այլ դեպքի մասին, երբ դարձյալ դիերը խառնել են։

«Ինձ պատմեցին, որ մորաքրոջը տարել են հուղարկավորել են, ինքնահողի օրը, մորաքույրը զանգահարել է ու ասել, էս ինչի՞ մի հատ չեք զանգում, հետաքրքրվեք, ես ո՞նց եմ, ո՞նց չեմ»,- ասաց նա։ Զոհրաբյանը հայտնեց, որ այդ դեպքով էլ արդեն արտաշիրիմում է արվել, պարզելու, թե ում են հուղարկավորել մորաքրոջ փոխարեն։

Մանրամասները՝ տեսանյութում