ՌԴ ոստիկանությունը բացահայտել է բեռնախցիկից ընկած հայի սպանության մանրամասները Video

Լենինգրադի մարզում ոստիկանության աշխատակիցները բացահայտել են 50-ամյա տղամարդու սպանությունը, որի մարմինը ավտոմեքենայի բեռնախցիկից դուրս է ընկել Վսեվոլոժսկի շրջանում տեղի ունեցած վթարի ժամանակ: Այս մասին հայտնում է РЕН ТВ-ն։

Ոստիկանության շրջանային վարչությունում հայտնել են, որ կիրակի ժամը 04:00-ի սահմաններում Ա-121 ավտոճանապարհի 24-րդ կմ-ում հայտնաբերվել է Mitsubishi Galant մակնիշի ավտոմեքենան: Մեքենայի վարորդը սայթաքուն ճանապարհին չի կարողացել կառավարել մեքենան և բախվել է արգելապատնեշին։

Դեպքի վայրում հայտնաբերվել է տղամարդու դի։ Ի սկզբանե ենթադրվում էր, որ նա տրանսպորտային միջոցի վարորդն է, որը մահացել է վթարի հետևանքով։

Սակայն ավելի ուշ պարզվել է, որ անհայտ անձը վթարի պահին արդեն մահացած է եղել և գտնվել է բեռնախցիկում: Նախնական վարկածի համաձայն՝ հավանական մարդասպանները ցանկացել են ազատվել տղամարդու դիակից, սակայն վթարի են ենթարկվել, իսկ հետո դիմել են փախուստի:

Ոստիկանությունը պարզել է, որ տղամարդը սպանվել է երկու հարբած երիտասարդների հետ կոնֆլիկտի պատճառով, որոնք նրան դանակի մահացու հարվածներ են հասցրել։ Չարագործները կանչել են ծանոթին, որն էլ օգնել է նրանց մարմինը ավտոմեքենայով դուրս բերել։

Դեպքի առթիվ Լենինգրադում երեք տղամարդ է ձերբակալվել։ Սպանվածը 50-ամյա Արկադի Ղազինյանն է։ Քրեական գործ է հարուցվել;