Գավառի զինված միջադեպը սկսվել է գիշերային ակումբի լվացարանում թքելուց.մանրամասներ

Գավառի զինված միջադեպը սկսվել է գիշերային ակումբի լվացարանում թքելուց.մանրամասներ

Իրադարձային Ipress 2020-05-01 21:42:00 5607
Հետևեք մեզ՝ Telegram-ում
ff_sGUrD.jpg

Aravot.am-ը գրում է.

Նորատուսցիների ու գավառցիների միջեւ տեղի ունեցած զինված միջադեպը հին պատմություն ունի: Գավառի ավագանու անդամը (չցանկացավ, որ հրապարակման մեջ մնա անունը. խմբ.) Aravot.am-ին պատմեց, Գավառում շրջանառվող լուրերի համաձայն, որ դեռ ամիսներ առաջ՝ Գավառի գիշերային ակումբում անչափահաս տղաները ակումբի լվացարանում թքելու թեմայով վիճաբանություն են ունեցել, խառնվել են նրանց ծնողներն ու հարազատները, վեճը ամիսներով շարունակվել է.

«Մի քանի ամսվա պատմություն է, անընդհատ այդ գործընթացը գնացել է, անընդհատ դեպքեր են եղել, մինչեւ եկել, հասել է այս գագաթնակետին»: Անդրադառնալով լրատվամիջոցներում տարածված տեղեկությանը, թե միջադեպի ժամանակ սպանված «Նորատուսի արջի» եղբայրը մտել է Գավառի հիվանդանոց ու դուրս եկել արյունոտ բերանով՝ հայտնելով, որ խմել է իր եղբորը սպանողի արյունը. «Հո կինո չէ, վամպիր չէ: Չափից շատ հիմարություններ գրվեցին: Նման բան ո՞նց կարող է լինել»:

Նա վստահեցրեց, որ Գավառի բ/կ-ում էլ ոչ թե միջադեպի մասնակիցներից երկուսի պարանոցն են կտրել, այլ եղել է դանակահարություն, ընդ որում լրատվամիջոցները նշում էին, որ հիվանդանոցում երկու եղբոր պարանոց են կտրել, բայց ավագանու անդամն ասաց՝ երկու եղբայր չեն եղել. «Պարանոցները, որ կտրեին՝ մի քիչ ֆանտազիա կլիներ էլի, ոնց կենդանի կմնային: Պարանոց չեն կտրել, դանակահարություն է եղել, բայց նրանք եղբայրներ չեն եղել»:

Գավառի բժշկական կենտրոնի տնօրեն Աշոտ Կարապետյանն էլ մեզ հետ զրույցում ասաց՝ որ հիվանդանոց ներխուժածները երկու հոգու պարանոց կտրել են. «Մեկինը պարանոցի հատվածում կտրած վերք է եղել, բայց կենսական օրգաններ՝ անոթներ եւ այլն չեն վնասվել, մյուսինը՝ ծակած վերք էր, կյանքին վտանգ չսպառնացող»:

Լրատվամիջոցները գրել էին, որ միջադեպի մասնակից երկու հոգին Գավառի հիվանդանոց էին տեղափոխվել դեպքից փախուստի ժամանակ վթարի ենթարկվելու հետեւանքով, պարոն Կարապետյանը հերքեց այս տեղեկությունը. «Վթար չի եղել, հրազենային վիրավորումով են եկել: Այս պահի դրությամբ, մեզ մոտ միջադեպի մասնակից չկա, բոլորին ուղարկել ենք Երեւան: Մեկին վիրահատել ենք, մնացածին էլ առանց վիրահատելու ենք ուղարկել: Մեզ մոտ, ի սկզբանե, տեղափոխվել էր դեպքի մասնակից չորս հոգի»: Ըստ նրա՝ պարանոցի հատվածում վերք ստացած միջադեպի մասնակիցներից մեկը իրենց մոտ էր տեղափոխվել հրազենային վիրավորումով: Իրենց մոտ էին տեղափոխվել նաեւ միջադեպի ժամանակ սպանված Գավառից քննիչը եւ «Նորատուսցի արջ» անունով հայտնի երիտասարդը: Իսկ թե նրանք ինչ վիրավորումներ էին ստացել, պարոն Կարապետյանն ասաց՝ չի կարող ասել:

Մանրամասը՝ սկզբնաղբյուրում:

Поделиться
Класс
Send
aeaf9809-258b-4d7a-96d4-9e3f146da01f_TwqPc.jpeg

Քիչ առաջ նոր թվեր հրապարակեց Կենտրոնական բանկը

66c1a952-4fbb-4b8d-ba78-708ec4a72724_L3hPg.jpeg

36 ժամ ջուր չի լինելու այս հասցեներում

17e8e493-8667-47c6-8bb7-a778660c3fb5_hTLIW.jpeg

31 ժամ գազ չի լինելու նշված հասցեներում

9367628f-7792-4051-a47b-29fa56734a57_AlmE6.jpeg

Մի շարք երթուղիներ են ավելացվել և միացվել. նոր ավտոբուսները մտնում են երթուղի

46289f3e-70df-4519-b68c-19b20a3380ba_HhzHS.jpeg

Մինչ վարորդները ջանասիրաբար «մաքրում» են մեքենաների ապակիների «պլյոնկաները», իշխանությունները որոշումը փոխեցին

bada97dd-ad72-444a-a4f3-fe3c1ce4ffca_tnlZ6.jpeg

Կտրուկ տատանումներ. Նոր Փոխարժեքները սահմանեց ԿԲ-ն

1b43f461-10fb-4ea1-b948-7f291f7b632f_BUi3e.jpeg

Հայաստանում կանայք կկարողանան ծառայել 6 ամիս, կստանան 1 միլիոն դրամ

939b7460-5f02-4bce-a31b-c8a0f9428d6c_BdGS2.jpeg

Հայտնի է՝ երբ է այս տարի նշվելու Վարդավառը

13dbc44e-3e77-47b2-9a78-98a7e0361414_c9EVo.jpeg

Քիչ առաջ նոր փոխարժեքներ սահմանեց Կենտրոնական բանկը

74c467e4-4677-4d89-9f2c-9d6040e99eeb_ia4NO.jpeg

Տեսախցիկը արձանագրել է ողբերգական վթարի պահը (տեսանյութ)

8817161c-be52-4944-ba32-228782777855_1EXMY.jpeg

1 օր ջուր չի լինի

1600bd14-3ee4-4542-ab33-f14e33238470_01CaZ.jpeg

Դու ո՞վ ես, որ Արցախ տաս, դու՝ ներմուծված թշնամի. ՀՀ վաստակավոր արտիստ