Երեկ՝ փետրվարի 14-ին, ոստիկանության Նոր Նորքի բաժին է ներկայացել Երևանի բնակիչ, 31-ամյա Խաչիկ Միքայելյանը և հայտնել, որ ժամեր առաջ իր վարած Opel մակնիշի ավտոմեքենայով Կոտայքի մարզի Հրազդան-Ծաղկաձոր ճանապարհին՝ Ջրառատ թաղամասում, վրաերթի է ենթարկել հետիոտնին, որից հետո հեռացել է դեպքի վայրից:
Opel մակնիշի ավտոմեքենան, տեղափոխվել են ոստիկանության Հրազդանի բաժին, որտեղից էլ Խ. Միքայելյանը ներկայացվել է Հայաստանի քննչական կոմիտեի Կոտայքի մարզային քննչական վարչություն,այս մասին հայտնում է Shamshyan.com-ը:
Ավտոմեքենան քննիչի հանձնարարականով տեղափոխվել է ոստիկանության Հրազդանի բաժնի պահպանվող հատուկ տարածք:
Փետրվարի 13-ին, մահվան ելքով վրաերթ էր տեղի ունեցել Կոտայքի մարզում։ Ժամը 23:25-ի սահմաններում, «Հրազդան» բժշկական կենտրոնից Ոստիկանության Հրազդանի բաժին ահազանգ է ստացվել, որ մահացած վիճակում իրենց մոտ էր տեղափոխվել մի քաղաքացի։
Հիվանդանոց էր մեկնել Ոստիկանության Հրազդանի բաժնի օպերատիվ խումբը՝ բաժնի պետ Արտակ Ղազարյանի, բաժնի պետի անձնակազմի գծով տեղակալ Պետրոսյանի գլխավորությամբ։
Ոստիկաններն ու քննիչները պարզել էին, որ մահացածը Հրազդան Միկրոշրջան թաղամասի բնակիչ 28-ամյա Թելման Մուրադյանն էր, ով նույն օրը՝ ժամը 23։00-ի սահմաններում, Հրազդան-Ծաղկաձոր ավտոճանապարհի Ջրառատ թաղամասի 505 տան դիմաց անհայտ մակնիշի և համարանիշի ավտոմեքենայի կողմից վրաերթի է ենթարկվել, որից հետո վարորդը, նրան թողնելով անօգնական, դիմել է փախուստի։