Դեռևս նախնական վարկած չկա, թե ինչու է մահացել երեխան։ Այս մասին այսօր ArmDaily.am-ի հետ զրույցում ասաց Արագածոտնի մարզ Մելիքգյուղ համայնքի ղեկավար Դերենիկ Շահբազյանը։ «Գիշերը մի քիչ հիվանդ է եղել, երևի հետ է տվել, ասում են դրանից է եղել։ Դեռ դին չեն բերել, վերջնական պատճառը դեռ չեն հայտնել»,- ասաց համայնքապետը։
Շահբազանը նշեց, որ երեխան ընտանքի առաջնեկն էր. «Երիտասարդ ընտանիք են, առանձին են ապրում, առաջնեկն էր։ Ֆինանսական խնդիրներ չունեն։
Երեխային մահացած վիճակում հայտնաբերել է մայրը։ Վաղը երևի տեղի կունենա հուղարկավորությունը»։ Ինչպես արդեն հայտնել ենք, երեկ՝ մարտի 9-ին, ժամը 08։30-ի սահմաններում «Ծաղկահովիտ» բժշկական կենտրոնից ոստիկանության Արագածի բաժին ահազանգ է ստացվել, որ բժիշկների հերթապահ խումբը կանչով մեկնել է Մելիք գյուղի 1-ին փողոցի տներից մեկը, որտեղ օրորոցի մեջ հայտնաբերել են 7 ամսական Աննա Կ-ի դին։
English
Русский
