Լաչինի ճակատային գծում թշնամին կրկին հարձակվել է

Բերձոր քաղաքից հարավ-արևելք ընկած ճակատային գծի հատվածում թշնամին ժամը 12:55-ի սահմաններում թ ձեռնարկել է հերթական հարձակումը և, կորցնելով ևս 2 տանկ ու 2 հետևակի մարտական մեքենա, դարձյալ հետ է շպրտվել ելման դիրքեր: Տեղեկությունը Facebook—ի իր էջում հայտնել է ՀՀ ՊՆ ներկայացուցիչ Արծրուն Հովհաննիսյանը։

«Ճակատային գծի տվյալ հատվածում ներկա պահին մարտերը շարունակվում են: ՊԲ-ն վերահսկում է օպերատիվ-մարտավարական իրադրությունը»,–գրել է նա:

Ինչպես արդեն տեղեկացրել ենք, այսօր՝ ժամը 10:30-ի սահմաններում, Բերձոր քաղաքից հարավ-արևելք ընկած ճակատային գծի հատվածում թշնամական ուժերը զրահատեխնիկայի ներգրավմամբ նախաձեռնել են հերթական հարձակումը:

ՊԲ ստորաբաժանումները, անցնելով պաշտպանության, հստակորեն իրականացրել են առաջադրված մարտական խնդիրները և, խոցելով հակառակորդի 3 տանկ, կասեցրել վերջինիս հարձակումը: