«Կորոնավիրուսի առաջին ալիքը Հայաստանում եղել է հունվարին․ ապրիլի վերջին այն կնահանջի»․ աստղաբան Նինա Բորիսենկո

«Կորոնավիրուսի առաջին ալիքը Հայաստանում եղել է հունվարին․ ապրիլի վերջին այն կնահանջի»․ աստղաբան Նինա Բորիսենկո

Life Ipress 2020-04-20 23:59:00 3918
Հետևեք մեզ՝ Telegram-ում
astxabanq_LfTqG.jpg

168.am-ը գրում է․

Աստղաբան Նինա Բորիսենկոն 168am-ի հետ զրույցում ասաց, որ կորոնավիրուսի առաջին ալիքը Հայաստանում եղել է 2020թ․ հունվար ամսին. «Հիվանդության ընթացքը գրիպի նման էր, բայց ի տարբերություն գրիպի՝ մարդկանց ջերմությունը ոչ թե 3 օր էր տևում, այլ՝ 4-5 օր։ Ոմանց մոտ թոքաբորբ սկսվեց։

Մարդիկ ընտանիքներով հիվանդացել էին՝ կարծելով, որ ուղղակի գրիպ են տանում։ Կորոնավիրուսի երկրորդ փուլը սկսվեց մարտին․ արդեն գիտեին, որ համաճարակն ամեն տեղ կա, սկսվեց արտակարգ դրությունը, բայց չեմ կարող ասել, որ մահերի թիվն ամեն տարվա մահերի թվից ավելի է։

Թռչնի գրիպից, խոզի գրիպից մահերն ավելի շատ էին, ուղղակի այդ մասին չէինք իմանում, խուճապի չէինք մատնվում։ Այս դեպքում խուճապ տարածվեց։ Այստեղ ավելի շատ քաղաքական խաղեր են, որի մեջ խառնեցին այս հիվանդությունը, ժողովրդին փակեցին տներում։ Երրորդ փուլը հիմա է ընթանում, և հիմա հենց այդ պիկն է, որը մինչև ամսվա վերջ կթուլանա։ Սա արդեն մուտացիայի ենթարկված տեսակն է, այդքան ուժեղ չէ, ուղղակի այս վիրուսն ազդում է շատ օրգանների վրա, և մարդու մոտ եթե ինչ-որ հիվանդություններ կան, խորանում են։

Մահը գալիս է այն ժամանակ, երբ մնացած օրգաններն են դադարում աշխատել։ Պատճառը վիրուսն է, բայց մահանում են իրենց խրոնիկ հիվանդության խորացումից։ Եթե մարդն ունի խրոնիկ հիվանդություններ, իմունիտետը ցածր է, նա չի կարողանում հաղթահարել այդ հիվանդությունը։ Բայց ամեն տարի էլ տարբեր վիրուսներից այդպես է եղել»։

Աստղաբանի խոսքով՝ այս փուլն ապրիլի վերջին կսկսի ավարտվել․ «Մայիսի սկզբից արդեն ավելի թեթև կլինի, կնվազի հիվանդացությունների քանակը։ Համաշխարհային մասշտաբով ուռճացվեց այս ամենը, մարդկանց մոտ վախ առաջացրին, վախն էլ է թուլացնում իմունիտետը։ Այս ամենը, ինչպես նշեցի՝ քաղաքական խաղեր են։ Ինչպես բոլոր երկրներում, այնպես էլ մեզ մոտ ստիպեցին ամեն ինչ փակել։

Օրինակ՝ Ռուսաստանը հրաժարվում էր այդ ամենից, բայց հետո ամենավերևներից ուղղակի ստիպեցին դա անել։ Իսկ, օրինակ՝ Շվեդիան կամ Բելառուսը մինչև հիմա դիմակայում են և ճիշտ են անում, որովհետև մարդիկ իրար հետ շփվելով՝ թեթև տեսակով հիվանդանալով, իմունիտետ են ձեռք բերում այդ հիվանդության դեմ։ Սխալ էր այս ամենը, բայց մենք ենթարկվում ենք, որովհետև Համաշխարհային առողջապահական կազմակերպությունն է այդպես ասում։

Հիմա Թրամփը նրանց դեմ պատերազմ է հայտարարել և ճիշտ էլ արել է, որովհետև այս ամենի հետևում կան տարբեր հանցագործություններ, որոնք հիմա դուրս եկան։ Թրամփը խոսում է այդ մասին, կռիվ է սկսել այդ ամենի դեմ, բայց այլ հարց է, որ իր կյանքին վտանգ է սպառնում․ նա դեմ է գնացել աշխարհի ամենաազդեցիկ մարդկանց։ Հուսով եմ՝ նա իր անվտանգությունը, ամեն դեպքում, ապահովել է»։

Աստղաբանը նշեց, որ քաղաքական այս խաղերը բերել են ֆինանսական ճգնաժամի, որը, ըստ նրա՝ ավելի խորը կարտահայտվի այս տարվա հուլիս-օգոստոս ամիսներին․ «Բայց դա դեռ սկիզբն է, որովհետև համաշխարհային ֆինանսական ճգնաժամը կլինի մեկ տարի անց՝ հաջորդ տարվա փետրվար-մարտ ամիսներից սկսած։ Բայց այս ամենի պատճառն այն է, որ 2019թ․ դեկտեմբերից սկսած՝ Այծեղջյուրում հավաքվել էին այնպիսի դանդաղ և հեռավոր մոլորակներ, ինչպիսին են Սատուրնը, Պլուտոնը, հետո Յուպիտերը մտավ այդտեղ, հետո այս տարվա մարտ ամսին Մարս մոլորակն անցավ այդ բոլոր մոլորակների վրայով, այսինքն՝ ագրեսիվացրեց այդ բոլոր հարցերը։

Շատ հազվագյուտ է լինում, որ Սատուրնը, Պլուտոնը և Յուպիտերը հավաքվեն մի տեղ․ 100 կամ 200 տարին մեկ կարող է նման միացում լինել, դա միշտ բերում է աշխարհի վերափոխման։ Դա կտևի 2-2,5 տարի։ Այս միացումների կուլմինացիոն պահը կլինի դեկտեմբերի 16-20-ը։ Այդ ժամանակ նորից ճգնաժամ կլինի և կթուլանա։ Սակայն Սատուրնը 2,5 տարի լինելու է Ջրհոսում․ այն արդեն Ջրհոս մտավ, հուլիսի 2-ից նորից կմտնի Այծեղջյուր, այնտեղ կմնա մինչև դեկտեմբերի 20-ը, դեկտեմբերի 20-ին նորից կմտնի Ջրհոս։ Յուպիտերն էլ է մտնում Ջրհոս, ու նրանց միացումը կբերի կուլմինացիոն այդ պահը, հետո կունենանք վերափոխված և նոր աշխարհը։

Ուրանը հիմա գտնվում է Ցուլում, որը նյութական նշան է, մարդկանց բերում է կոմֆորտ, գումար, ներդաշնակություն, նաև՝ բանկային համակարգերի փոփոխում։ Ընդամենը 7 տարի է Ուրանը Ցուլում մնալու, երկու տարին արդեն անցավ, ու այս ֆինանսական ճգնաժամը նաև դրա հետ է կապված։ Մոտակա 5 տարում համաշխարհային ամբողջ բանկային, ֆինանսական համակարգը փոփոխվելու է, այսինքն՝ թղթադրամները, երևի, կվերանան, կլինեն քարտեր կամ էլեկտրոնային վճարումներ։ Դոլարը՝ որպես առաջատար փոխարժեք, կթուլանա, մեկ ուրիշ փոխարժեք կլինի, բայց դա չի լինի թղթադրամ, այլ կլինի վիրտուալ կամ այլ ձևով, և կփոխարինի դոլարին։ Դրա համար լավ կլինի բանկային մեծ հաշիվներ չունենալ, որովհետև կորցնելու ռիսկեր կլինեն։ Պետք է այդ գումարները ներդնել ինչ-որ ծրագրերի մեջ։ Եթե ոսկի գնեն, դա էլ չի աշխատի։ Դրա համար պետք է խելացի, լուրջ ծրագրերի մեջ ներդնել»։

Նինա Բորիսենկոն նշեց, որ վիրուսները միշտ եղել են և կլինեն, ուղղակի հաջորդ տարի արդեն խուճապը կնվազի․

«Այնպես չէ, որ սա ինչ-որ նորություն է, որ հիմա բացահայտեցին։ Այն, որ այս վիրուսն ունի արհեստական ծագում, դա ոչ մեկի մոտ կասկած չի առաջացնում։ Բայց խուճապի պետք չէ մատնվել․ վախ է առաջացել այն ամենի նկատմամբ, ինչը միշտ եղել է։ Ուղղակի դժվար է բիզնեսի դեպքում ճիշտ կողմնորոշվել և ճիշտ գործողություններ անել։ Մայիսի ընթացքում 3 մոլորակ նահանջ շարժում են սկսում, որը կտևի մի քանի ամիս, ինչը խոչընդոտներ է առաջացնում․ աշխատելու մեր ճիգերը շատ ոլորտներում դանդաղում են։ Պետք չէ միանգամից արդյունք սպասել՝ ուղղակի իմանալով, որ դա դանդաղ է ընթանալու, միևնույն է՝ պետք է գործերն անել։ Լուսնի հանգույցները 2 տարի Խեցգետնում և Այծեղջյուրում էին, դրա համար ավելի շատ զբաղված էինք տուն, ընտանիք, իշխանություններ, պետություն, քաղաքականություն գաղափարներով, հիմա դրանք մտնում են Երկվորյակներ և Աղեղնավորներ, և բոլոր մարդկանց ուշադրությունը փոխվում է այլ ուղղությունների վրա, և կկարևորվեն ուսումը, կրթությունը, տարբեր կուրսերը, ինքնակատարելագործումը, շրջապատը, ինֆորմացիոն դաշտը։ Եթե ամբողջ փետրվարից մինչև հիմա ճշգրիտ ինֆորմացիա ստանալն անհնար էր, ապա մայիսի 5-ին այդ հանգույցները մտնում են Երկվորյակ, իսկ մայիսի 7-ին լիալուսին է, և այն, ինչ մեզ համար թաքնված էր լիալուսնի ժամանակ, որը ապրիլի 23-ին է, մայիսի 7-ի շրջակայքում շատ բաներ պարզ են դառնալու։ Եվ ընդհանրապես, մոտակա երկու տարին ինֆորմացիոն դաշտի զարգացում պետք է լինի, ինտերնետ լրագրությունը թափ է առնելու»։

Աստղաբանն ընդգծեց՝ այս իրավիճակն ապացուցեց, որ հսկա գրասենյակների կարիք չկա, և շատ աշխատանքներ կարելի է տնից անել․ «Ապացուցվեց, որ մարդիկ տնից ավելի արդյունավետ են աշխատում, քան օֆիսից։ Հիմա բոլոր ղեկավարների համար ակնհայտ դարձավ, որ նման ռեժիմը շատ լավ արդյունք է տալու, աշխատող մարդը երկու անգամ ավելի լավ է աշխատում, քանի որ տանն է, ընթացքում սուրճ է խմում, նորմալ սնվում է։ Հնարավոր է, որ շատ խոշոր գրասենյակներ վերանան, մարդիկ տնից աշխատեն բոլոր այն ոլորտներում, որոնց դեպքում կարելի է տնից աշխատել։

Փոխվում է նաև բարձրագույն կրթության ոլորտը․ եթե մարդն ունի մասնագիտություն, նրա մոտ այլ բարձրագույն ինստիտուտ ավարտելու պահանջը կվերանա, և ավելի շատ վերապատրաստման վրա ուշադրություն կդարձնի։ Այսինքն՝ նորից շեղվում է մեր ուղղվածությունը․ լուսնի ընկնող հանգույցը՝ բարձրագույն կրթության, այսինքն՝ Աղեղնավորի մեջ է, և մտնում է Երկվորյակի մեջ, որը դպրոցն է, ինչը նշանակում է, որ կարելի է մի քանի կուրսեր անցնելով՝ ավելի շատ կատարելագործվել, քան մեկ համալսարան ավարտելով։ Կրթության հանդեպ մեր վերաբերմունքը փոխվում է»։

Поделиться
Класс
Send
erdogan-pasinyan_RsmXw.jpg

Ինչ են քննարկել Հայաստանի եւ Թուրքիայի առաջնորդները․ մանրամասներ

adrbejan-gndakaharutyun_ssu7v.jpg

Ադրբեջանը կեղծ տեղեկություն է տարածել՝ փորձելով կոծկել հայ զինվորներին գնդակահարելու տեսանյութը․ ՊՆ

tailand-polismen-children_uhzv0.jpg

Նախկին ոստիկանը կրակ է բացել մանկական կենտրոնում՝ զոհվել է 32 մարդ, այդ թվում 22 երեխա․ Տեսանյութ

paterazm_hkx_B.jpg

Հայաստանին պատերազմ է սպասում, և պետք է պատրաստվել այդ պատերազմին. Ասլիկյան

screenshot18_WFNtu.png

Էրդողանի հետ հանդիպումից հետո կմեկնեմ Ռուսաստան․ Փաշինյան. Տեսանյութ

eramsya-havak_xb4wV.jpg

Վարժական հավաքների ներկայացած քաղաքացիներին խաբեությամբ ստորագրել են տալիս մարտական հերթապահության պայմանագրերը. 168․am

aliev-ararat-mirzoyan_FjwJG.jpg

Ադրբեջանը նոր առաջարկներ է փոխանցել. Միրզոյանը հաստատեց

gevondyan_2w8Pg.jpg

Գրառմանս համար պատասխանատու եմ, ավ գիտեմ, թե ինչ եմ անում․ Ղևոնդյան

erexayi-npast_EHzcM.jpg

Խնամքի նպաստ՝ մինչև 2 տարեկան երեխա խնամող ծնողին․ Որոշումն ընդունվեց

jur-ci-linelu_CgK1r.jpg

Տեղեկացեք՝ 36 ժամ ջուր չի լինելու

rublimo5yj_z7m3Z.jpg

Ռուբլին և դոլարը թանկացան․ ԿԲ նոր փոխարժեքներ

c89589ed-706c-4eb1-ac54-af9018f8016e_KMKht.jpeg

Հայաստանում երկրաշարժ տեղի ունեցավ. ԱԻՆ-ը մանրամասնում է

Բանակ 302586

Տեսանյութ․ Յաշմա ջոկատն առնվազն 8 հայ զինվոր է գերեվարել․ Երևում են նրանց դեմքերը․ Կիվիրյան

Բանակ 270639

Նրան չեն բռնաբարել․ Իրականում ինչպես է զոհվել Անուշ Ապետյանը. մանրամասնում է ականատես ծառայակիցը

Իրավունք 270330

Տարածվում է զոհված հայ կին զինծառայողի կտտանքների ենթարկված մարմինը պատկերող տեսանյութը

Բանակ 222807

Թշնամին սպանել և երեկ Հայաստանին է փոխանցել տեսանյութից հայտնի գերի Դավիթ Գիշյանի մարմինը․ Մանրամասներ

Բանակ 182904

«Մաման միայն մի խոստումը չկատարեց». դիպուկահար, 3 անչափահասի մայր Անուշը զոհվեց բոլոր փամփուշտները սպառած

Քաղաքական 160770

Արդյոք երկքաղաքացիություն ունեցող ռուսաստանցիները ենթակա են զորահավաքի

Իրավունք 160614

Առնվազն 3 կանանց կրծքավանդակի հատվածում մերկացրել են, ոտնակոխ արել. Նոր տեսանյութեր է հավաքագրվել

Բանակ 155175

Ուսից վիրավոր իմ տղան գերի է ընկեր Սյունիքում. Բարսեղ Գիշյանը տեսանյութ է հրապարակել

Բանակ 130107

Ջերմուկը կրկին գնդակոծության տակ է․ Լուրեր առաջնագծից․ Տեսանյութ

Իրադարձային 126618

Սյունիքի գյուղերից մեկում հայկական համազգեստով կասկածելի մարդիկ են նկատվել․ Մանրամասներ