Ինքնասպանության դեպք Երևանում. «Ռեժինե» հյուրանոցային համալիրի բակում հայտնաբերվել է տղամարդու դի

Երեկ՝ դեկտեմբերի 12-ին, արտակարգ դեպք է տեղի ունեցել Երևանում: Ժամը 21:30-ի սահմաններում, ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել Երևանի բնակիչ, 40-ամյա Աշոտ Սարգսյանից, ով հայտնել է, որ Նորք-Մարաշ վարչական շրջանի Նորքի այգիներ 235/ հասցեում գործող «Ռեժինե» հյուրանոցային համալիրի բակում տղամարդու դի կա:

Nշված վայր է ժամանել ոստիկանության Մարաշի բաժանմունքի օպերատիվ խումբը: Ժամանել է նաև Հայաստանի քննչական կոմիտեի Երևան քաղաքի քննչական վարչության Կենտրոնև Նորք-Մարաշ վարչական շրջանների քննչական բաժնի խումբը,այս մասին հայտնում է Shamshyan.com-ը:

Ոստիկաններն ու քննիչները պարզել են,որ մահացածը Երևանի բնակիչ, 73-ամյա Արտեմ Ն.-ն էր, ով 4-րդ հարկի պատուհանից իրեն ցած է նետել: Դեպքի վայր ժամանած դատաբժշկի նախնական եզրակացության համաձայն, դիակի վրա բռնության հետքեր չեն հայտնաբերվել:

Փաստի առթիվ քննչական բաժնում նյութեր են նախապատրաստվում:

Աղբյուրի  տեղեկություննեով, ոստիկանություն ահազանգած Ա. Սարգսյանը ոստիկաններին հայտնել է, որ ինքն աշխատում է «Նորքի Ինֆեկցիոն» Բ/Կ-ի փոխտնօրեն: