Իննան դեռ սիրում է Վահե Զիրոյանին և ցավով է տանում իրենց բաժանումը. նա չի կարողացել զսպել արցունքները (լուսանկար, տեսանյութ)

Starnews-ն արդեն տեղեկացրել է, որ տևական ժամանակ է, ինչ լուրեր են շրջանառվում, որ դերասաններ Վահե Զիրոյանը և Իննա Խոջամիրյանն այլևս միասին չեն: Զույգը բավական երջանիկ էր միասին, նրանք չէին թաքցնում իրենց հարարբերությունները, ավելին՝ Իննայի ծննդյան օրը Վահեն հատուկ նրա համար գրված երգ էր նվիրել նրան, իսկ Իննան երգի ժամանակ չէր կարողանում թաքցնել արցունքները:

Թվում էր, թե զույգի կատարյալ երջանկությանը ոչինչ ու ոչ ոք չէր կարող խանգարել, սակայն ժամանակն այլ բան ցույց տվեց:

Հայտնի աստղային զույգը բաժանվեց, ավելին՝ ըստ խոակցությունների՝ Վահե Զիրոյանն արդեն հասցրել է սիրային հարաբերություններ սկսել դերասանուհի Վիկտորյա Սահակյանի հետ, ով, ի դեպ, ոչ միայն նրանց հետ խաղում էր «Երկուսով» հեռուստասերիալում, այլև Իննայի ներքնազգեստի ապրանքանիշի համար արված համարձակ ու կիսամերկ լուսանկարների աղջիկն էր: Ի դեպ, Վիկտորյան հեռացրել է բոլոր այդ լուսանկարները:

Ի դեպ, Starnews-ը նկատել է, որ այդ լուսանկարները Վիկտորյան ջնջել է սոցցանցի իր էջերից: Օրերս ավարտվեց Իննայի և Վահեի մասնակցությամբ հայտնի «Երկուսով» հեռուստասերիալը, որում նրանք մարմնավորում էին գլխավոր հերոսներին: Սերիալի ավարտին Իննայի հերոսուհին փախչում է սեփական հարսանիքից՝ հասկանալով, որ դեռ սիրում է իր նախկին ամուսնուն, իսկ վերջինս էլ փորձում է վերականգնել իրենց սիրային բուռն հարաբերությունները:

Սակայն սերիալի ավարտին այդպես էլ զույգին դեռ միասին չենք տեսնում: Ճակատագրի հեգնանքով Իննան թե իրական կյանքում, թե սերիալում այդպես էլ չի կարողանում գտնել, հասնել իր սիրած էակին ու երջանիկ լինել: Հետաքրքիրն այն է, որ Իննան Instagram-ի իր էջի story բաժնում տեսանյութեր էր հրապարակել, որոնցում երևում էր, որ արցունքներով է դիտում սերիալի վերջին սերիայի այն տեսարանը, երբ վազում է Վահե Զիրոյանի կերտած կերպարին ընդառաջ:

Այս ամենից կարելի է եզրակացնել, որ Իննան դեռ սիրում է Վահե Զիրոյանին և ցավով է տանում իրենց բաժանումը: Հիշեցնենք, որ մինչ Վահե Զիրոյանի հետ ունեցած սիրավեպը, Իննան նշանադրված էր դերասան, երգիչ Հայկ Պետրոսյանի հետ: