Ինֆորմացիա ստացա, որ հրահանգել են ծեծելով վերացնել Սիսիանի հոգևորականին. Կարեն Քոչարյան

Քաղտեխնոլոգ Կարեն Քոչարյանը Սիսիանի հոգևորականին ծեծելով վերացնելու վերաբերյալ տեղեկություն է ստացել: Այդ մասին նա ֆեյսբուքյան իր էջում գրառում է արել:

«Հենց նոր ինֆորմացիա ստացա (օդում կախված լուրեր), որ հրահանգել են ծեծելով վերացնել Սիսիանի հոգևորականին: Կոչ եմ անում բոլորին տեր կանգնել այդ մարդուն: Պարո՛ն Թաթոյան, խնդրում եմ Ձեզ շտապ միջոցներ ձեռնարկել», - գրել է նա:

Հիշեցնենք, որ Սիսիանի եկեղեցու քահանան այսօր չի սեղմել Փաշինյանի ձեռքը և նրան դուրս է հրավիրել եկեղեցուց:

Դրանից հետո, Փաշինյանի տասնյակից ավելի աջակիցներ փորձել են Սիսիանի եկեղեցու վրա հարձակում գործել.քահանային հեռացնելու նպատակ ունեին: