Այսօր՝ փետրվարի 24-ին, ողբերգական դեպք է տեղի ունեցել Լոռու մարզում:
Ժամը 17:15-ի սահմաններում Արտակարգ իրավիճակների նախարարության փրկարար ծառայության 911 օպերատիվ կառավարման կենտրոն ահազանգ է ստացվել, որ Վանաձոր քաղաքի Չուխաջյան փողոցի 11 հասցեում հրդեհ է բռնկվել
Օպերատիվորեն ժամանել է ԱԻՆ ՓԾ Վանաձորի թիվ 36 հրշեջ-փրկարարական ջոկատը՝ 2 մարտական հաշվարկով, այս մասին հայտնում է Shamshyan.com-ը:
Փրկարարները քաղաքացիների օգնությամբ մարելով կրակը, այնտեղ հայտնաբերել են 59-ամյա Մարինե Գոգինյանի այրված դին:
Նշված վայրից հիվանդանոց են տեղափոխվել 36-ամյա Կարեն Աղաջանյանն ու 34-ամյա Կարինե Աղաջանյանը:
Փաստի առթիվ քննչական վարչությունում նյութեր են նախապատրաստվում:
Դեպքի վայրում հավաքված քաղաքացիները աղբյուրի թղթակցի հետ զրույցում ասում էին, որ օպերատիվ են գործել և՛ հրշեջները, և՛ Վանաձորի հիվանդանոցի բժիշկները;
Վերջիններս մինչև վիրավորներին հիվանդանոց տեղափոխելը, տեղում առաջին բուժօգնությունն են ցուցաբերել: Թե ինչն է եղել հրդեհի պատճառը, պարզ կլինի մի շարք փորձաքննություններ կատարելուց հետո:
Քննիչի որոշմամբ նշանակվել է դիակի դատաբժշկական փորձաքննություն: