Խոշոր հրդեհ Էջմիածնում. հայտնաբերվել է մոխրացած դի, երկրորդի մարմինը փնտրվում է

Այսօր՝ ապրիլի 16-ին, ողբերգական դեպք է տեղի ունեցել Արմավիրի մարզում: Ինչպես դեպքի վայրից հայտնում է ֆոտոլրագրող Գագիկ Շամշյանը, ժամը 20:00-ի սահմաններում ահազանգ է ստացվել, որ Էջմիածին քաղաքի Չարենցի 2-րդ թաղամասում տնակ է այրվում:

Հրշեջ-փրկարարները նախ կանխել են երկաթե տնակում առաջացած կրակի տարածումը, ապա մարել այն: Տնակն ամբողջովին վերածվել է մոխրակույտի և հրշեջները ներսում հայտնաբերել են 1 դի ու արդեն 1 ժամ է, ներսում կատարում են հետախուզական աշխատանքներ, քանի որ կան տեղեկություններ, որ հնարավոր է՝ ներսում ևս 1 հոգի լինի, քանի որ տեղեկություններ են ստացվել, որ նշված տնակում 2 հոգի են բնակվել:

Պարզվել է, որ նշված տնակում բնակվել են 67-ամյա Սարգիս Հովհաննիսյանը և 89-ամյա Կատերինա Սարգսյանը