Կրակել են Հովհաննես Ազոյանի տան ուղղությամբ

Ֆեյսբուքյան օգտատեր Անդրանիկ Հարությունյանը գրել է, որ գիշերը Երևանում կրակոցներ են հնչել դերասան Հովհաննես Ազոյանի բնակարանի ուղղությամբ։

«Այսօր ժամը 02:30-ի սահմաններում կրակել են Ազոյանի՝ Օրբելի փողոցում գտնվող բնակարանի պատշգամբի ուղղությամբ։ Նրա բնակարանը 5-րդ հարկում է, և կրակոցից կոտրվել են բնակարանի պատուհանները։ Բարեբախտաբար, վիրավորներ չկան»,–գրել է նա։

ՀՀ ոստիկանության հասարակայնության հետ կապի և լրատվության վարչությունից Sputnik Արմենիային հայտնեցին, որ ապրիլի 14-ին, ժամը 01:42-ին ոստիկանություն ահազանգած քաղաքացին հայտնել է, որ կրակել են իր տան պատաուհանի վրա, փամփուշտը մտել է ներս:

Մեկնած օպերատիվ խումբը պարզել է, որ ժամը 01:20-ին, անհայտ անձը, անհայտ զենքով մեկ անգամ կրակել է նշված բնակարանի ուղղությամբ, որի հետևանքով գնդակը վնասել է պատշգամբի ապակին, դիպել ննջարանի պատին և ընկել մահճակալի վրա:

Նշանակվել են համալիր փորձաքննություններ, ձեռնարկվում են միջոցառումներ կատարողի ինքնությունը պարզելու, նրան և զենքը հայտնաբերելու ուղղությամբ: Նախապատրոստվում են նյութեր:

Read more: