Ողբերգական դեպք. հիվանդանոց է տեղափոխվել հերթափոխի պետի դին

iPress.am- Այսօր՝ մարտի 4-ին,  ողբերգական դեպք է տեղի ունեցել Սյունիքի մարզում:

Ժամը 14:20-ի սահմաններում Կապանի բժշկական կենտրոնից   ոստիկանության Կաանի բաժին ահազանգ է ստացվել , որ   բժիշկների հերթապահ խումբը մահացած վիճակում իրենց մոտ է  տեղափոխել երիտասարդ տղայի դի:

Հիվանդանոց են մեկնել ոստիկանության  Սյունիքի մարզային վարչության պետ Ալիկ Հակոբյանը և ոստիկանության Կապանի բաժնի պետ Զորիկ Վարդանյանը,այս մասին հայտնում է Shamshyan.com-ը

Ժամանել է նաև Հայաստանի քննչական կոմիտեի Սյունիքի մարզային քննչական վարչության  խումբը՝ հատկապես կարևոր գործերով ավագ քննիչ  Նարեկ Աբգարյանի գլխավորությամբ: 

Ոստիկաններն ու քննիչները պարզրել են, որ մահացածը Կապան քաղաքի բնակիչ,  26-ամյա Անուշավան Սողոմոնյանն էր, ով  հիվանդանոց է տեղափոխվել  «ՉԱԱՐԱՏ Կապան» փակ բաժնետիրական ընկերության Շահումյանի անվան փակ հանքի 830 հորիզոնում հանք իջանցքը ընկնելու հետևանքով:

Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկակական:

Աղբյուրի տեղեկություններով՝ դեպքը տեղի  է ունեցել ժամը 13:00-ի սահմաններում, իսկ մահացածը աշխատում էր  «Էս Ընդ Էյ Մայնինգ» ՍՊԸ-ում՝ որպես հերթափոխի պետ: