ՀՀ բոլոր ղեկավարները մինչ այժմ ռազմական տեխնիկա և սպառազինություն ձեռք բերելու համար դիմում են հնարավոր և անհնար բոլոր միջոցներին. Արկադի Գրիգորյան

Արկադի Գրիգորյանը ֆեյսբուքյան իր էջում գրել է

«Հայաստանի հանրապետության բոլոր ղեկավարները մինչ այժմ, մեր Զինված ՈՒժերի ռազմական տեխնիկա և սպառազինություն ձեռք բերելու համար արդեն քառորդ դարից ավել է դիմում են հնարավոր և անհնար բոլոր միջոցներին, պատճառները պարզ են.
• մենք շրջափակման մեջ ենք,
• մեզ ամեն մի պետություն զենք չի վաճառում,
• մենք մշտապես չունենք այն ցանկալի գումարի չափը որպեսզի կարողանանք ամեն զենք վաճառողի հետ բանակցել:
Եկեք նորից ֆիքսենք, պետություն գտնվում է պատերազմի մեջ, արդյոք տեղին է նման պարագայում բացել խաղաքարտեր ի լուր աշխարհի և մեր ոխերիմ հարևանների, որոնք վերաբերում են ՀՀ–ի համար կենսական նշանակության հարցերի՝ մասնավորապես ռազմամթերքի ձեռքբերմանը, լինի օրինական, թե անգամ անօրեն ճանապարհով: Մի քանի օրինաչափություններ զենքի շուկայի, նրա հետ փոխկապակցված անձանց և իհարկե մեր մասին.
• զեքի առք ու վաճառքով զբաղվողները հրեշտակներ չեն,
• զեքի առք ու վաճառքում բոլոր ժամանակներում և երկրներում լինում են մութ էջեր,
• այս ծանր շրջափակման վիճակում ՀՀ ԶՈՒ սպառազինության ձեռքբերման հարցը վտանգելը մինչև այժմ արել են ադրբեջանցիները, բազում անգամներ փակելով Հայաստան զենք ներկրողների ճանապարհները, ու էլի փակել են նույն մութ մեթոդներով,
• օֆշորային ընկերությունները նրա համար են, որպեսզի շրջանցեն/խուսափեն սահմանափակումներից (գիտենք, որ ԱՄՆ-ը շատ ռուսական ընկերությունների թողել սանկցիաների տակ), առանց այդ օֆշորների հնարավոր չէ արգելքների տակ գտնվող երկրից զենք ու զինամթերք բերվի Հայաստան,
Օրերս մի անուն, ազգանուն է շրջանառվում՝ Գալստյան Դավիթ, ներկայիս տնտեսաքաղաքական և համաճարակային շրջափակման պայմաններում նրան “մեղադրում են” ԱՊՀ պետություններից մեր ԶՈՒ-ի համար ոչ “սուրբ մեթոդներով” զենք մատակարարելու մեջ:
Ինչ գիտենք նրա կատարած աշխատանքներից, որը կարող ենք ծանոթանալ բաց աղբյուրներից. • զենքի մատակարարման հարց է լուծում ՀՀ ԶՈՒ համար, այո լուծում է և ինչպես նշեցինք դա չի կարող լինել մաքրամաքուր ձևերով,
• Գալստյան Դավիթը զենքի առևտուր անում է ոչ միայն Հայաստանի համար, աշխարհագրությունը շատ մեծ է, և բնականաբար այդտեղ ևս ամեն ինչ մաքրամաքուր չէ, բայց այդ ամենը Հայաստնին չի առնչվում առհասարակ, և այս նյութերը ուղղակի մանիպուլյատիվ օգտագործվում է թե իբր Հայաստանին ներքաշում են և այլն և այլն
• ուղղակի չի կարող նա ՌԴ-ից զենք առնել և երրորդ, չորրորդ պետության արտահանել, ՌԴ-ն դա չէր ների և անձայն ու հարթ չէր անցնի, հաստատ հայաստանյան լրատվականներով չէ որ մենք դրա մասին կիմանայինք, նման բաների աղմուկն ու հետևանքերը այլ մակարդակով են լինում,
• հարվածում ենք մի մարդու, ով ՀՀ-ում զրոյից ռազմարդյունաբերական ձեռնարկություն է ստեղծում....»