Օրվա ընթացքում մարտեր են եղել հարավային ուղղությամբ, Որոտան գետի երկայնքով՝ կոնկրետ մի բարձունքի ուղղությամբ, մամուլի ասուլիսի ժամանակ ասաց ՊՆ ներկայացուցիչ Արծրուն Հովհաննիսյանը:
«Մի քանի զրահատեխնիկայով փորձել են հարձակում իրականացնել, կորցրել են 2-3 միավոր զրահատեխնիկա և հետ են շպրտվել», - ասաց Հովհաննիսյանը:
Նրա խոսքով՝ հայկական կողմի վիճակն այսօր շատ ավելի լավ է, քան 15 օր առաջ:
«Ես չեմ ասում, որ ամենածանր օրերն անցել են, միգուցե, այդպիսի օրեր էլի կլինեն: Բայց հիմա, փառք Աստծո, մեր ներուժը, ինքնակազմակրպվածությունն ու կառավարումը շատ ավելի լավ վիճակում են: Մենք չենք տեսնում խուճապ, անկազմակերպվածություն, մարդկանց զոռով պահել», - ասաց Պն ներկայացուցիչը: