Դիմահարդար Գոհար Ավետիսյանը Երևանում է: Այս մասի տեղեկանում ենք Գոհար ինստագրամյան էջից: Դիմահարդարը Հայաստան է ժամանել ընտանիքի՝ ծնողների ու ամուսնու հետ: Ի դեպ, իր story-ներից մեկում Գոհարը նշել է, որ ամուսինը՝ Սերգեյը, առաջին անգամ է Երևանում:
Հայտնի դիմահարդար Գոհար Ավետիսյանը Հայաստանում է, նա ընտանեկան լուսանկարներ է հրապարակել Սևանա լճից։
Կադրերում դիմահարդարը ծնողների ու ամուսնու հետ է։
«Երջանկություն է, երբ սիրելիներդ կողքիդ են»,–գրել է Գոհարը։
Դիմահարդարի հետևորդները բազմաթիվ դրական մեկնաբանություններ են գրել։
«Հրաշք ընտանիք։ Առողջ ու երջանիկ լինեք։ Ինչ լավն եք, Գոհար»,– գրել են նրանք։
Հիշեցնենք`Գոհար Ավետիսյանը արմատներով Գեղարքունիքի մարզի Մարտունի քաղաքից է, նրա ընտանիքը Մոսկվա է տեղափոխվել, երբ ընդամենը մեկ տարեկան է եղել։ Նա հավասարապես սիրում է թե՛ Ռուսաստանը, թե՛ Հայաստանը։ Գոհարը դիմահարդարման իր վարպետությամբ բառացիորեն գրավել է Մոսկվան։ Կոսմետիկ նյութերով սկսել է աշխատել դեռ 11-12 տարեկանում։