Մարմնի պլաստիկ վիրահատությունից հետո Գոհար Ավետիսյանի առողջական վիճակը վատացել է․ (տեսանյութ)

Այս գիշեր ռուսաստանաբնակ դիմահարդար Գոհար Ավետիսյանի ինքնազգացողությունը կտրուկ վատացել է։ Առաջին վիրահատությունից գրեթե մեկ տարի անց դիմահարդարը դարձյալ պլաստիկ վիրահատության մեթոդին է դիմել իր երազած կազմվածքն ունենալու համար: Սակայն այս գիշեր Գոհարի մոտ արյունահոսություն է սկսվել։

Ավետիսյանն այս անգամ մասամբ հեռացրել է ոտքերի ու ձեռքերի՝ նիհարելու հետեւանքով թուլացած մաշկը, շտկել է նաեւ որովայնը։ Վիրահատությունը տեւել է վեց ժամ։ Վիրահատությունից առաջ նա հայտնել էր, որ հասել է իր նպատակին՝ 4 ամսում նիհարել է 24 կգ։

Գիշերը Գոհարին կրկին վիրահատել են, որպեսզի կանգնեցնեն արնահոսությունը։ Վերջին տեսանյութում իր գործընկերը հարցնում է դիմահարդարին, թե ինչպես է վերջինիս ինքնազգացողությունը, ինչին Գոհարը պատասխանում է՝  «հանգիստ թող ինձ»։