Ողբերգական դեպք Արմավիրի մարզում. 13-ամյա տղան բակում խաղալիս հանկարծամահ է եղել

Հայաստանի քննչական կոմիտեի Արմավիրի մարզային քննչական վարչությունում նյութեր են նախապատրաստվում հոկտեմբերի 25-ին Արմավիրի մարզում տեղի ունեցած 13-ամյա երեխայի մահվան փաստով:

Այդ օրը՝ ժամը 20:50-ի սահմաններում «Վաղարշապատ» բժշկական կենտրոնից ոստիկանության Վաղարաշապատի բաժին ահազանգ է ստացվել, որ մարզի գյուղերից մեկից իրենց մոտ է տեղափոխվել տղա երեխայի դի,այս մասին հայտնում է Shamshyan.com-ը:

Հիվանդանոց մեկնած ոստիկանության Վաղարշապատի բաժնի ծառայողները պարզել են, որ նույն օրը՝ ժամը 20:30-ի սահմաններում իրենց գյուղի բնակության վայրի փողոցում Է. Բ.-ի ինքնազգացողությունը կտրուկ վատացել է, որի հետևանքով վայր է ընկել և տեղում մահացել:

Փաստի առթիվ քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական: Ըստ նախնական տեղեկությունների՝ երեխան հանկարծամահ է եղել: