Վրաերթի ենթարկված հետիոտնը հիվանդանոցում մահացել է. ՖՈՏՈ

iPress.am- Այսօր՝ ապրիլի 28-ին, Երևանի թիվ 1 համալսարանական հիվանդանոցում մահացել է Երևանի բնակիչ, 70-ամյա Անետա Դարբինյանը: Վերջինս հիվանդանոց էր տեղափոխվել ապրիլի 7-ին,այս մասին հայտնում  Shamshyan.com-ը:

Այդ օրը Երևանի բնակիչ, 19-ամյա Ավետիք Բունիաթյանը իր վարած Mitsubishi մակնիշի ավտոմեքենայով ժամը 16:00-ի սահմաններում Ագաթանգեղոս և Խորենացի փողոցների խաչմերուկում վրաերթի էր ենթարկել Ա. Դարբինյանին:

Վարորդը փախուստի չէր դիմել, օգնել էր վրաերթի ենթարկվածին տեղափոխել հիվանդանոց:

Աղբյուրի  տեղեկություններով՝ Վ, Բաղդասարյանի որոշմամբ հարուցվել է քրեական գրոծ՝ ՀՀ քր օր-ի 242 հոդվածի 2-րդ մասի հատկանիշներով և այն փոխանցվել է Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին:

Գ. Շամշյանի տեղեկություններով՝ մահացած Ա. Դարբինյանն աշխատում էր «Ռիո Քլինինգ» ՍՊԸ-ում: