Eman-ի անսպասելի առաջարկը Միհրան Ծառուկյանին և երգչի շփոթմունքը. Տեսանյութ

iPress.am- Երաժիշտ, գործիքավորող Eman-ը (Էմանուել Հակոբյանը) շուտով կներկայացնի իր նոր աշխատանքներից մեկը, որը երգիչ Միհրան Ծառուկյանի հայտնի՝ «Լիալուսին» երգի remix տարբերակն է։

Starnews-ի հետ զրույցում  Eman-ը պատմեց, որ տվյալ երգի remix տարբերակը ստեղծելը հենց իր մտահղացումն է․

«Որպես այդպիսին սա իմ երկրորդ համագործակցությունն է Միհրան Ծառուկյանի հետ։ Երբ լսեցի Միհրանի «Լիալուսին»-ը, որն արդեն հասցրել է սիրվել և դառնալ հայկական շոու բիզնեսի սիրային հիթերից մեկը, հենց այդ վայրկյանից հասկացա, որ այն պետք է ունենա նաև իր remix տարբերակը։

Այդպիսով, միանգամից գործի անցա՝ անակնկալ անելով Միհրանին»,- տեղեկացրեց երաժիշտը՝ շարունակելով․ «Միհրանը ոչնչից տեղյակ չէր։ Պարզապես մի օր զանգահարեցի և մեկ այլ պատրվակով հրավիրեցի իմ ստուդիա։ Եվ երբ նա արդեն ինձ մոտ էր, հանկարծակի միացրի երգը, ինչը լավ իմաստով շփոթության մեջ գցեց նրան»,- պատմեց Eman-ը։

Վերջինիս խոսքով՝ տվյալ երգի remix-ը ստեղծելիս ինքը մի քանի տարբեր ոճեր է օգտագործել, որի վերջնական արդյունքը գոհացրել է թե իրեն, և թե հետո արդեն Միհրան Ծառուկյանին, ով, ի դեպ, ընդամենը մի քանի օրից կներկայացնի տվյալ երգի remix տարբերակի վրա նկարահանած հոլովակը։

«Օգտագործել եմ դիփ հաուս և սլեփ հաուս ոճերը։ Շեշտը դրել եմ ավելի շատ կոմերցիայի վրա, որպեսզի այն լսելի լինի ամեն տեղ՝ թե ակումբում, թե ռեստորանում, թե առօրյայում»,- ասաց Eman-ը։

Իսկ հարցին՝ արդյո՞ք իր կարծիքով remix տարբերակը կկարողանա ավելի մեծ արդյունք և հաջողություն գրանցել, քան երգի բնօրինակը, Eman-ը պատասխանեց․

«Վստահ եմ՝ այո։ Թեպետ բնօրինակն արդեն մեկ միլիոնից ավել դիտում է գրանցել Youtube-ում, բայց համոզված եմ, որ այս տարբերակը ոչնչով չի զիջի և միլիոնավոր դիտումները ևս ապահոված կլինեն»,- նշեց Eman-ը։ Երաժշտի խոսքով՝ սա առաջին դեպքը չէ, երբ ինքն այսպիսի անակնալ է անում այս կամ այն երգչին․

«Չեմ կարող ասել, որ հաճախ, բայց լինում են դեպքեր, երբ ես զգալով, որ տվյալ երգը կարող է հաջողություն գրանցել նաև այդ կողմով, անկախ նրանից՝ երգի կատարողը միտք ունի հետագայում ստեղծել դրա remix-ը, թե՝ ոչ, ես դա անում եմ։ Երբեք չեմ առաջնորդվել և չեմ առաջնորդվի գումարով, այսինքն՝ եթե ինձ վճարեն, նոր ինչ-որ բան կստեղծեմ։ Եթե երգն արժանի է լինում, ապա ոչ մի դեպքում իմ ուշադրությունից չի վրիպում»,- շեշտեց Eman-ը։

Երաժիշտը տեղեկացրեց նաև, որ շատ շուտով համացանցում կհայտնվի Ռաֆայել Թունյանի և լիբանանցի հայտնի երգչուհի Զոյայի զուգերգը, որի երաժշտական ձևավորումն ամբողջությամբ արել է Eman-ը․

«Այս ստեղծագործությունը, կարծում եմ, որ հիթ դառնալու մեծ հավանականություն ունի, իսկ դիտումներն էլ կգերազանցեն մեկ միլիոնը, ինչը ցանկացած արտիստի համար շատ բաղձալի արդյունք է։ Թեև Զոյան ապրում և գործունեություն է ծավալում Բեյրութում, որտեղ երաժշտական ճաշակն այլ է, մենք մտադրված այնպես ենք արել, որպեսզի այս աշխատանքը հենց հայ ունկնդրի համար լինի, նրան հոգեհարազատ։ Միմյանց եմ խառնել պկուն, շվին ու ձայնը, ինչի արդյունքում ստեղծվել է այն երաժշտությունը, որն ընդամենը մի քանի օրից կունկնդրի հանդիսատեսը»,- մեց հետ զրույցում նշեց Eman-ը։