ՀՐԱՏԱՊ. Էջմիածնում ծառայողի դի է հայտնաբերվել

iPress.am- Այսօր՝ մայիսի 25-ին,  ինքնասպանության դեպք  է տեղի ունեցել Արմավիրի մարզում: Ժամը 14:10-ի սահմանններում  Էջմիածնի շտապ բուժօգնության կայանից ոստիկանության Վաղարշապատի բաժին ահազանգ է ստացվել, որ  բժիշկների հերթապահ խումբը կանչով մեկնել է Էջմիածնի մշակույթի պալատ, որտեղ հայտնաբերել են տղամարդու դի:

Նշված վայր են ժամանել ՀՀ  ոստիկանության պետի   առաջին տեղակալ Արամ Հովհաննիսյանը, ՀՀ ոստիկանության պետի տեղակալ Կամո Ցուցուլյանը, ոստիկանության Արմավիրի մարզային վարչության պետ Կարեն Հակոբյանը և ոստիկանության Վաղարշապատի բաժնի պետ Ռաֆայել Պողոսյանը, այս մասին հայտնում է Shamshyan.com-ը

Ժամանել են նաև Հայաստանի քննչական կոմիտեի Արմավիրի մարզային քննչական վարչության պետ Սամվել Տոնոյանը և նույն վարչության Վաղարշապատի քննչական բաժնի պետ Բարոյանը:  Ոստիկաններն ու քննիչները պարզել են, որ նույն օրը՝ ժամը 14:10-ի սահմաններում, Արմավիրի մարզի բնակիչ,  32-ամյա Արմեն Հ.-ն Մաշտոցի փողոցի թիվ 75 հասցեում գործող Վաղարաշապտի մշակույթի տան առաջին հարկի հանդերձարանում իրեն ամրակցված «Մակարով» տեսակի ատրճանակից ինքնասպանություն է գործել:  

Փաստի առթիվ տեղում քննչական աշխատանքները ղեկավարող հատկապես կարևոր գործերով ավագ քննիչ Գաբրիելյանի կողմից նյութեր են նախապատրաստվում:

Աղբյուրի տեղեկություններով՝ Արմեն Հ.-ն աշխատում էր ոստիկանության Վաղարշապատի բաժնի ՊՊԾ դասակում, կոչումով ավագ սերժանտ էր: Դեպքի վայրում հայտնաբերվել է նաև ատրճանակը: