Այսօր Արցախի Մարդու իրավունքների պաշտպանի աշխատակազմը հստակ տեղեկություններ է ստացել, որ առավոտյան Հադրութ քաղաք ադրբեջանական դիվերսիոն խմբի ներթափանցման ժամանակ այդ խմբի անդամները տանը սպանել են Հադրութի երկու բնակչի՝ մոր ու նրա հաշմանդամություն ունեցող որդուն:
Արցախի ՄԻՊ Արտակ Բեգլարյանը տեղեկացնում է, որ այժմ աշխատանքներ են տարվում հանգամանքները պարզելու ուղղությամբ և վաղը կներկայացվեն ավելի մանրամասն տվյալներ:
«Խստագույնս դատապարտելով ադրբեջանական զինված ուժերի շարունակական վայրագ հանցագործությունները Արցախի բնակչության հանդեպ՝ պահանջում եմ միջազգային հանրությունից այս դեպքն արժանացնել համարժեք արձագանքի և հետամուտ լինել հանցագործներին համապատասխան պատժի ենթարկելու հարցում», - նշել է Բեգլարյանը։